Vatican ah khawmzawhtu pawl luh an siang sal ding October 3, 2021

Vatican ah khawmzawhtu pawl luh an siang sal ding

October 3, 2021

          Pope Francis ih khawmzawhtu pawl thawn an tonawk theunak tlawngkai nithum ni caanserh cu pulhnat a can hlan vekin a ropi sal. Ti duhsan cu Pope le khawmzawhtu pawl thawn tonawknak caanserh cu pulhnat sia ruangah an rak cawlih tu-ah cun a hlan dinhmun vekin an tuah thei sal. A hleice in ramdang ihsin khawmzawhtu pawl, a tlawng tu pawl thawn a ropi zet. Ziangah tile leitlunhuapah khal covid humhimnak sii cu nemhnget mi vekin a dawttu pawl cu ramsung, ramleng khual an tlawn thei ruangah a si. Vatican ih a thleng tu pawl sungin America ramih nupa te tla an tel. An nupa ten Rome khuapi an thlen nak cu Washington ihsin an mai mi theih an rualpi Brother pakhat cu a thaisun ah St. Peter Biakinnpi ah Deacon cannak a lak dingih cui caanserh ih tel dingah a si thu an sim fiang.

          September thla ihsin thokin America ram ihsin khawmzawhtu pawl le a tlawng tu tampi an um. Washington Archbishop khal Rome khuapi a thlengih Cardinal sinakih khaisan nak caanserh ah a tel ding a si. Cu vekin Latin America ihsin a feh tu tampi an um. Kum 84 a kim zo mi Pope Francis cu a mai zuamnak, a mai milai le milai zawhruahnak neihnak, a mai a tlaitluang zet mi a thuzirh mi pawl cu kohhran mipi pawl ih thinlung sungah a cam ter. Europe mipi pawl hrangah Rome ih tlawn a ol. Germany ihsin khawmzawhtu pawlkom khal Pope thawn tonawknak caan an ngah ih an lung a hmui zet.

          Pope thawn an tonawknak ding innkhaan sungih an thlen lai ah an rak hlop zet. Cui khaan sungih a thleng tu zaten an lung a hmui zet. Tu vekin Rome khuapi ih thlen theinak cu a tha zet. Ziangah tile Rome cu Catholic Pawlpi ih a laifannak a si. Pope thawn tonawknak caanserh cu pulhnat sia  thlen hlan thawn a dang aw tuk. Ziangah tile khawmzawhtu tinkim in kaahuhnak an hmang ih pakhat le pakhat hla nawn ih an um ruangah a si.

          Hi thuthang cu Rome Reports thuthang ih kan ngah mi a si.

https://bit.ly/3oFsr9m

Redirecting to /en/2021/10/03/the-vatican-is-back-to-welcoming-pilgrims/

romereports.com