Vatican ceimawinak dingih phun dingmi Christmas thingkung thleng. November 30, 2020

Vatican ceimawinak dingih phun dingmi  Christmas thingkung thleng.

November 30, 2020

            Vatican ih St.Peter tual rawnah phun dingmi Christmas farthing cu Rome khuapi ah a thleng zo a si. Cui a kung cu Slovenia ni suahnak saklam in a si. Tan 7 a rit ih kum 75 asimi cui far kung cu a veihnih nak leitlun ralpi theh ih ciin mi a si. Vatican thawn pehpar mi Slovenia upa pakhatin cui thingkung cu "remdaih nak nunram thoh nak hminsin nak" tiin a sim. Tui caan ah a san lam meter 30 a simi cui farkung cu Slovenia ram mah te ukawk nak ngah nak kum 30 kum hminsin nak khal a ti duh san a si.

            Upa pakhat in "himi cu Slovenia hrangah thluasuah asiih a veihnih nak tiin Vatican tual hrangah Christmas thingkung ih an kuat thei ruangah an lung a awi thu" a sim. Cui Christmas thingkung ah ceimawi nak electric meisa tleu (bulb) cu December 11 ni ihsin thok in ong ding asithu 2021 January 10 tiang St.Peter tual rawn ah ret bet ding a si. Himi thuthang cu Rome Reports thuthang ihsin kan ngah mi a si.

Photo courtesy of: Crux Now

https://bit.ly/2VxMxmp