Vatican ih a feh tu ding pawl cu Covid-19 humhimnak sii a dawt zo tu an si a tul September 20, 2021

Vatican ih a feh tu ding pawl cu Covid-19 humhimnak sii a dawt zo tu an si a tul

September 20, 2021

         Vatican ih a feh tu pawl le hnatuan tu pawl zaten covid-19 humhimnak sii a dawt zo tu, asilole covid-19 natnak in a dam zo tu, asi lole siivai cekfel nak ah negative a suak tu pawl an si thu, Vatican ih siseh, a silole a tlawng tu pawl ih ram in nat an neih lo thu hmuh a tul. Ziangah tile October 1 ihsin thokin leitlunhuap in a feh tu pawl an on sal ding thu September 20 ah thuthan an rak suah.Vatican hoha tu, Cardinal Giuseppe Bertello in Pope Francis in covid pulhnat a karhnak kham thei dingah a tul mi timtuahnak pawl zaten tuah dingih zaangfah an dil ruangah tu vek in thuthan an rak suah nak a si.Catholic Kohhran mipi pawl dinhmun in Vatican ah Missa raithawinakih tel thei dingah cun Covid-19 humhimnak sii a dawt zo tu pawl lawng luh on a si. Missa sumnakih tel a ngah ko nan harhdamnak humhimnak khal tidaan thawn kalh aw lo ih tuah a tul.

         Covid-19 humhimnak sii a dawt zo tu pawl ih ken mi card cu ‘Green Pass’ tiin an ko. Cui teettekhaannak cu thlaruk daih mi si a tul. Italy acozah khal in ‘Green Pass’ a rak nemhnget ih October 5 ihsin thok in bulpak, mitampi thawn dai aw tu pawl siseh, hi nemhnget mi card keng tengteng a tul tiih nemhnget mi a si.Hi nemhnget mi card a nei lo tu pawl cu an hnatuan in malte an cawlh sung a tul men thei. A si lo le sumpai in cawhkuan a tul ding thu, cawhkuan sumpai cu America dollar 1800 a si. August 1 ihsin thokin Italy ram ah a khaan pawl, ei in zuar nak dawr pawl, museum pawl vekin mi tampi fehnak hmun ih feh a si le humhimnak sii dawtnak lungkimnak a tul.

         September thla ihsin thok in cui lungkimnak cu ramsung khualtlawnnakah khal um lo theih lo ih tul mi a si. Hrekkhat hnatuannak zung pawl, siizung pawl le ca zirnak tlawng pawl in an dil. Vatican ih a feh tu pawl le hnatuantu pawl cu covid-19 humhimnak siidawh a tul mi thuthan cu September 18 ah lethmat thu in an suah mi thuthan a si. Ziangah tile Italy acozah dinhmun in humhimnak sii dawhnak cu bulpak in siseh, mipi thawn siseh an dawh ruangah tu vek in nemhnget ih dilnak a si. Hi teette pawl cek fel dingah cun Vatican ralkap pawl in an tuah ding. Hi thuthan suah hlan ah Pope Francis in September 7 ah Vatican hoha tu Cardinal Bertello thawn an tongawkih tulsam mi pakhat ruangih a tlawng tu mikhual pawl hrangah an nemhget mi a si.

         Ziangah tile a dang mikhual pawl ih sinak, caan tha le zalennak upat nak thawn nemhnget mi a si. October 1 ihsin thok in hi thuthan an thok ding. Cu vek in Florence khuapi ih um Biakinnpi, Venice khuapi ih um St. Mark Basilica le Italy ram hrawng ih um thuanthu sungtel mi Biakinn pawl ah tlawng dingah covid humhimnak sii dawt zo tiih lungkimnak ca hmuh thei a tul.

         Hi thuthang cu Vatican thuthang ih kan ngah mi a si.

https://bit.ly/3u2wnln