Vatican ih neihsun asimi thuthang "L'Osservatore Romano" an suah nak kum 160 a kim zo tiin sim June 30, 2021

Vatican ih neihsun asimi thuthang "L'Osservatore Romano" an suah nak kum 160 a kim zo tiin sim

June 30, 2021

         Vatican ih neihsun asimi thuthang cu "L'Osservatore Romano" tiin an ko. Himi thuthang ca cu 1861 ah an suah ih July 1 ni cu thuthang ca an suah nak kum 160 kim ni a si. Culai ih Nu Pawlpi a rak hoha tu Pope cu Pope Pius IX a si. Himi thuthangca cu nitin an suah. Pathian ih thluasuah le a that nak thawn a khat mi cui niah Pope cu thuthang zung ih hnatuan pawl hnen cibai buk phah in, an hnatuan cu rintlak zet in a siar tu pawl hrangah theih nak kau ter tu thil thar tampi khal sim thei hram uh tiin thluasuah a pek.

         Himi thuthang cu Italy ah siar tambik mi le ca siar tu pawl a huap thei tu thuthang ca khal a si. Thuthang ca cu 1810, March 2 kum ih a suak tu Italy ram mi Carpineto Romano in a rak suah thok. Thuthangca ih hmin a cem nak lam khal cui thuthang saya sunloih nakin a hmin an telh nak a si. Thuthang saya Carpineto  Romano cu 1903 July 20 a kum 93 ah Rome ah a nunnak a rak cem. Ahleice ih an ret mi thuhla cu Nu Pawlpi ih thu, Pope ih Pathian hna a tuannak le Italy cozah ih a thupi mi thuthang lawng an bet. Khat lam ih sim a sile sumdawnnak lam thawn pehpar mi thuthang a silo. Himi thuthang cu Vatican thuthang ihsin kan don mi a si.

https://bit.ly/3hoHYoV