Vatican ih St.Peter tual ah thawn theihmi siikhan pakhat phuan.

Vatican ih St.Peter tual ah thawn theihmi siikhan pakhat phuan.

            Vaticanzung ih Gospel thuthangtha karhzai ter nak zung ih Archbishop RinoFisichella in St.Peter tualah thawn theih mi siikhan pakhat cu November 9 ah a phuan sak. Cuni cu avei (6) nak “leitlun mi harsa pawl ni” khal a si. Mi harsa pawl cu Bawi Jesuh thawn a nai aw mi pawl  an si. Gospel thuthangtha a keng tu pawl an si.

            Gospel thuthangtha ih thu cu bawm tul pawl thawn naite ah um dingin, mi harsa pawl cu leitlun ih tha mal pawl bawm dingah in thei thiam ter tu an si tiin Pope Francis simmi a vonmang ter. Atuvekih siikhan phuan nak cu harhdamnak hrang sumpai a ti thei lo tu pawl hrang a lak ih harhdamnak kilkhawi sak dingah ziangruangahtile pulhnat ih namnuaui nak kumhnih sung le Russia le Ukraine ralbuainak ruangah sumpai tlaksam nak a tam nak le leitlun ah datsi, dizil pawl umlo nak ruangah sumdawnnak a tla sia.

            Harhdamnak kilkhawinak ah zoh fel nak, dat em nak, thi check nak, nathrik khamnak sii, covid 19 check nak, HIV nat hrik check nak, TB, Cpu nat check nak le lungnat check nak pawl tuah a theih. Himi tuah nak cu ramtin tul mi a si. Atuvekiih tuah sak nak in hivek in tuah a tul thu leitlun ih a thleng dingmi khawmzawh mi tampi hrang theih ter ding asivekin mifarah thleidang loin nat dam ter dingah a tul thu theihnak a nei ter ding tiin ruahsan  asi thu, khawmzawh pawl cu hmun le ram ih mawinak ngah dingah himi hmunn thleng ding asi vekin himi kiangkap ah mifarah pawl khal an um thu thei in, annih khal harhdamnak kilkhawinak an tul timi thei dingah a si.

            Archbishop in farah pawl cu kan kiang ah an um ringring. Hmuh thei lo an silo. Anmai sinak thawn a ummi pawl an si” tiin Pope Francis ih a thusimmi thawn pehpar in a sim. Milian pawl ngaihsak zet in ziang ih rel lo mi pawl ih an sung mi pawl pek sal nak a si.

            Leitlun mi harsa pawl ni cu kumtin Nu Pawlpi in biakkhawmnak ih aveihnihnak netabik zarh asimi avei 33 nak zarhpi ni ah tuah a si. Tuikum ah November 13 a ciah. Himi ni cu Pope Francis in 2016 ah zangfah nak ih adanglam mi Jubilee kum tiin a thawn ih tuah a si. Atuvek ni tuahnak cu Khristian pawl dinhmuni in sumdawnnak harsatnak, harsat nak a tong tu pawl hnen feh in Bawi Jesuh pek mi duhdawtnak hmuh dingah a si.

            Hi ni cu mi pawl in thei in tuah dingah Vatican Gospel karhzai ter nak zung in ahleice in an tar lang. Cui ni ah zung ihsin mi harsa pawl hrang Vatican sungih Pope Paul VI hall ah sun caw an do. Hi mi lawng ah an do lo. Mi harsa pawl kumkhat sung Vatican zung ih Mother Theresa  Sister pawl ih kilkhawinak thawn nitin rawl an pe. A harsa hleice mi innsang pawl cu reipi daih bawmnak khal an pe theu. Cutivekin Rome Archdiocese sung ih Puithiam umnak biakinn pawl ah rawl fun mi pawl an zem.

            Italy ram cu leitlun ih a lian bik ram 6 ah a tel ti asinan leitlun ah mifarah tan 5 luan an um, hitiih ti tikah leiltun killi ih dinhmun ruah a theih. Cutiin Asia, Latin America le Africa ram pawl ih dinhmun pawl ah ziang zat an um ding timi ruah a theih. Mi harsa pawl ah ahleice ih sinak an nei lo. Mi harsa an si ti lang in mi pawl in an hmu ih an bawm. Himi thuthang cu RVA thuthang ihsin kan don mi a si.

https://bit.ly/3hYdcab