Vatican in inn nei lo mi 100 hrangah covid dokham nak sii tuah sak March 31, 2021

Vatican in inn nei lo mi 100 hrangah covid dokham nak sii tuah sak

March 31, 2021

            Kan dung tlawngkai ni thum zanlam ah a hmaisabik tiin Mother Theresa Sister pawl ih kilkhawi mi inn nei lo mi 100 luan le a dang Diocese pawlah a um tu innnei lo pawl dokham nak siii an dawt sak. Pope ih karuna zung ihsin Pope Francis ih mi tinkim covid dokham nak dawt ter ding timi zangfah dil nak in mi zonzai 1200 hrang covid dokham nak sii dawt sak nak a si. A tui dawt mi dokham ank sii cu Pfizer-BioNTech phun a si. Pope le Vatican zung sung hnatuan rero tu pawl dawt mi dokham nak sii phun a si. Dokham nak sii cu Pope Paul VI ih khan ah dawt a si.

            Pope ih karuna zung ih tuanvo nei tu Cardinal Kanrad Krajewski amah rori tlawngkai ni thum zanlam ah dokham nak a dawt tu pawl hnen inn nei lo pawl a rak hmuak. Vatican thuthang zung in a ra lai dingmi ni pawl khal ah a dang pawlkom pawl in dokham nak sii an dawt ding thu, Sant'Egidio, Caritas Rome, Mother Theresa Sister le a dang pawlkom pawl in an bom ding thu thuthan mi pakhat an suah. Himi thuthang cu Vatican thuthang ihsin kan ngah mi a si.

Photo courtesy of: Straits time/google images

https://bit.ly/3ufnyTX