Vatican in Mindanao ih St. John Vianney Theology tlawng dinnak nemhnget.

Vatican in Mindanao ih St. John Vianney Theology tlawng dinnak nemhnget.

          Vatican, Culture and Education hrang dicastery in thlanglam Philippines, Mindanao ih theology tlawng thar dinnak a rak lungkim pi.

          May 19 ih suah mi vek a sile, Culture and Education hrang dicastery ih prefect, Cardinal Jose Tolentino de Mendonca in Pawlpi daan thuai ih bulpaak, mipi lam canon pakhat thawn Holy See ih Ecclesiastical Higher Educational Institution pakhat dinhmun in, Philippines, Cagayan de Oro City, St. John Vianney School of Theology (SJVST) dinnak a rak nemhnget.

          SJVST cu Mindanao diocese pawl: Cagayan de Oro, Butuan, Surigao, Tandag, le Malaybalay ih St. John Vianney Theological Seminary of Cabustom ti tla ih mi theih tam zet mi a si.

          Hi mi tuahnak thawn, hruaitu in phunsang fimzirnak tlawng (cafang 17; catluan 10; cafang 10; catluan 2;) thawn a tul vekin kum 5 rei, Manila ih Loyola School of Theology (LST) thawn pehtlaihnak le SJVTS ih daan pawl a rak lungkim pi.

          Hi pehtlaihawknak thawngin, an mai theology program lam theih suak tu SJVTS tlawngta pawl cu ecclesiastical degree, Sacred Theology lam ih Baccalaureate (STB) cu LST in a pek hai.

          Ateneo de Manila University ih um mi Jesuit pawl ih tuah rero mi LST cu leitlunhuap ih um Society of Jesus ih tuah mi English lam theology pasarih sungih pakhat a si.

          LST cu 1965 ah Society of Jesus seminary tuantu pawl, le a dang religious congregation tampi ih tlawngta pawl, San Jose Seminary ih tlawngta pawl hnenah theology zirh dingah an rak thok.

          Hi thuthang cu RVA thuthang ih kan ngah mi a si.