Vatican in Pope ih Verona ih a Tuukhal khualtlawnnak dingih a tikcu caan hman dan ding suah.(April 29, 2024)

Vatican in Pope ih Verona ih a Tuukhal khualtlawnnak dingih a tikcu caan hman dan ding suah.(April 29, 2024)

Pope ih a Tuukhal khualtlawnnakah Kawhran mipi pawl, nauhak pawl, Thawngtla pawl tongdingah May 18 ni ah Verona ah a tlawng ding tin Holy See Press Office in a tarlang.

Penticost puai hlan nikhat duh zarhte ni ah Pope Francis cu Italy ram saklam Verona khuapi ah nikhat sung a Tuukhal khualtlawnnak a nei ding asi.

Hi mi a Tuukhal khual tlawnnakih thuluu ah Saam 85 thawn pehpar in dingfelnak le daihnak an hnam aw ding ti mi hi thupit in a tlawng ding a si.

Pope Francis cu May 18 zinglam 6:30am ah Vatican in a pok dingih zinglam 8:00am ahVerona ah a thleng ding.

Khuapi ih hmunrawn pakhatah ramkhel lam upa pawl, biaknak lam hotu pawl, Bishop Domenico Pompili, Bishop of Verona ih Luca Zaia, Veneto hmun ih President, khuapi uktu Demetio Martino le Damiano Tommas pawl a tong ding asi.

Athlen veten Pope Francis in St.Zeno Basilica ah a feh dingih Puithiam pawl, pumpe in hna a tuantu Brother pawl le Sister pawl a tong dingih a hmaisa bik ah thucahnak a nei ding.

Cu mihnuah Biakinn hmai tualrawn ah Pope cu nauhak pawl le mino pawl thawn tonnak a nei ding.

Zinglam nazi 10:15am ah Pope Francis in Verona ih Arena ah a feh dingih remdaihnak le daihnak thuluu thawn pehpar in thu relnak a hoha ding. Hi caanserh ih a ratu pawl ih thusuhnak pawl sannak tla a nei ding a si.

The Arena of Peace cu 1986 kum ih rakthawh ih cangvai mi Pawlpi le mipi pawl thawn kom ih rak thawh mi a si.

Hi mi thurel tlangnak theh ah Pope cu Motor thawn Montorio Thawnginn ah a feh dingih Thawnginn sungih thuneitu pawl, Thawngtla pawl le hnatuan pawl hnen thusimnak a nei ding asi.

Zaanlam 2:30pm ah Thawngtla pawl thawn rawl einak a neih hnuah Pope cu Thawnginn in a  feh dingih zanlam 3:00am ah Bentegodi Stadium (leknakinnpi) ah motor thawn a feh sal ding asi.

Zaanlam 4:45 pm ah Vatican ah a poksal dingih zaanlam 6:15pm ah a thleng ding tiah Vitican zungin an tarlang a si. Hi mithuthang cu Vatican thuthangin kan ngah mi a si. Thuthang a rak siartu zate parah lungawinak tampi kan nei.