Vatican Radio aw thlah nak kum 90 kim Puai February 9, 2021

Vatican Radio aw thlah nak kum 90 kim Puai

February 9, 2021

          Vatican Radio zung cu Pope Pius XI nak in (1931, Feb 12) ni ah thluasuah pek nak thawn a rak din. An dinnak ih tumtahnak cu leitlunhuap ih um minung pawl Pathian thuthangtha le Pope ih zirh mi pawl mipi pawl ih theih dingah a si. Design a suai tu cu Guglielmo Marconi ih ruah nak a si. A mah cu a hmaisabik Radio aw thlah nak, sumdawnnak ah hlawhtling zet ih an rak tuan thei. Hi awthlahnak zung cu cui caan ihsin thok in 2017 tiang Jesuit Puithiam a tinkaing in tuanvo la in an rak thlah. Tui kum cun kum 90 kim kum a si.

          Vatican Radio cu tong 41 tiang an thlah ih thuanthu thar pakhat din sal thei dingah san thar technic pawl thawn khal nazi 24 sung tuan thei dingin an zuam. An suah mi sungah Vatican Radio zungih lamhruai tu in tu vek in kum reipi a din thei nak le Vatican Radio ih hnatuantu pawl khal cu ram 69 ram ihsin an si thu, thuanthu sungtel mi hi kumkim ni cu hi vekin thuanthu sungtel mi si dingah a rak zuam tu zate le hmailam tikcu caan hngakih a tuan rero tu zaten lungawi thu sim a rak sim.

          Radio awthlahnak dinhmun in a thok ihsin an tum mi  tumtahnak pawl khal an tuah vivo ding thu, Pope pawl ih sim mi pawl, Pathian thuthangtha pawl a voihnih nak leitlunhuap ralbuainak karlak, fascism le communism pawl ih ram an rak uk lai pawl khal ah tih lo ten an rak thlah thei a si.Radio awthlahnak zung cu (2017, Jan 1) ni ihsin thok in zung pakhat ah an nemhnget ih Vatican ih thuthang pawl, Nu Pawlpi ih thuanthu le Pope ih thuzirh mi pawl thawn pehpar in tuan thei nak khuan pawl kau zet in an rak thlah thei thu, thuanthu sungih a a tang ding mi kumkim cu covid suanawk nat a thlen rero caan ah tuah a si ko nain zohman tanta nak, Pope ih aw, thuthang pawl hrelh an duh lo.

          Curuangah tui a cang rero mi dil nak cu a nasa sawn thu, aw thlah nak zungin kan dung kum ah minung khat le khat thinkhat lungkhat ten ret in thlarau lam bawmnak thawn Nu Pawlpi ih Biaknak, pawlkom, hmun le ram hril lo in zaten bawm awk nak zuk a rak hmuh thei thu a rak sim.Hi thuthang cu Vatican thuthang ih kan ngah mi a si.

https://bit.ly/3rSTfBj