Vatican thuthang zunghrangih Myanmar Catholic Bishop pawl pawlkom ih president Cardinal Charles Bo ih thusim mi (January 31, 2022)

Vatican thuthang zunghrangih Myanmar Catholic Bishop pawl pawlkom ih president Cardinal Charles Bo ih thusim mi

(January 31, 2022)

            Ralkap ih thuneih nak laknak kum khat a kim caan ah Myanmar Catholic Bishop pawl pawlkom ih president dinhmun in ziang tin na ruat?

            Keimah dinhmun in ka thin a har zet. Myanmar catholic Bishop pawl pawlkom dinhmun khalin remdaihnak ngah salnak lam zawh dingah forhfial nak thawn thu khal kan suah zo. Ralkap thuneih nak an lakh nu kum khat a rei ah mipi pawl ih tuar mi harsat nak pawl cu a tum zet. Mipi pawl nunram cu harsat nak thinglamta lam an zawh. A mawi zet mi Eden human dinhmun ihsin calvary thih nak ah a thleng. Catholic Bishop pawl dinhmun in kanmah pawl cu mipi pawl thawn um in mi zangfah nak bom nak pawl pe thei dingah an zuam rero. Pehpar nak a ummi lam zaten khal remdiahnak ngah nak lamzin zawh ding ah an forhfial rero.

            Kawlram ih a tui dinhmun thawn mipi pawl ih tuar nak ziangtin langter ding?

            Ziangti zawng hman in pom a ngah lomi dinhmun kan thleng zo tiin ka sim duh. Minung nunram cu a harsa mi buainak pawl a besia mi harsat nak pawl ruangah um daan ding harsat nak a cang. Leitlun in ei lam pawlkom le UN pawlkom pawl in khal raltlan harsat tuar mipum ting 3 tiang an um ih mi thawng tampi khal in ei lam ih an harsat thu an sim. Kan ram mipi pawl cu an nun tu khuasak nak le nunnak harsat nak hrangah an tih phang. A liam zo mi Christmas thuthangtha ah k arak sim dah vekin Kawl ram pi cu ralbuai nak ram ah a cang zo.

            Ramthen mi um nak hmun pawl ah Khristian pawl le Catholic mipi pawl ih dinhmun the in sim thei pei maw?

            Thinnat za a si. Cumi hmun pawl an siatsuah thu cu media pawl khalah an tar lang zo. Biakinn pawl hman an zuah lo ruangah Biakinn sungih nunnak cem tla an um. Biakinn ih bung le cerek pawl thawn an ngahnak, Christmas puai tuah dingah a feh tu pawl cu Christmas ni ah rapthlak zet ih an thah nak pawl hrangah Myanmar Catholic Bishop pawl pawlkom in an dodal. Khristian a tamsawn um nak hmun pawl ah raltlawn khal mipum na tam vivo.

            Kawlram cu a tui dinhmun ihsin luat thlang ding tiin kan ruahsan thei pei maw?

            Kawlam mipi pawl cu thinlung um mi vekin mi that nak nunram pawl an tong rero. Dik lo zet in tuahmawh nak zaten cawl a tul thlang. Ram mipi pawl cu tuahmawh nak le harsat nak pawl an tuar thei ding ka zum nawn lo. Pehpar nak a nei mi zaten remdiah nak ngahsal nak lam zawh ding ah ruahsan in thla ka cam.

            Atu vek caan ah Kawlram mipi pawl, Khristian pawl, ralkap hotu pawl le ram tinkim ah ziang mi thu na cah duh.

            Kawlram mipi pawl hnen ka sim duh mi cu nan tuar mi harsat nak pawl, nat nak pawl, ti le rawl nei lo ih nan um nak pawl kan thei ih kan tuar. Ton rero mi dinhmun pawl cu beidong in a sung pe loin do kir sal nak khal kan lo theih pi. Asinan hrimhrei kai in doawk nak lam pakhat lawng a keng duh tu thenkhat pawl hnen ka sim duh mi cu kanmah pawl hril ding mi a dang lamzin kan nei tiin ka lo sim duh.

            Khristian mipi pawl hnen ka sim duh mi cu a tui tum nan tuar mi harsat nak cu a tum zet. Nan feh rero nak thinglamta phur nak lamzin ah Kohhran pi cu nan mah thawn a um. Asinan Kohhran pi dinhmun in Khristian mipi pawl dinhmun in kanmah pawl cu Pope ih lamhmuh nak kan thlun. Mah rori khal hriamhma thawn a khat nan, a dam tu siibawi nunram ah kan um. Mah rori kha remdaihnak hriamhrei si dingah zuam uh. Beidong za khuathim sungah ruahsan nak khua tleu tleu ter uh.

            Ralkap lam hotu pawl hnen ka sim duh mi cu Kohhran pi cu mi tampi ih that nak hrangah a ding. Buaibainak zaten thudik thawn remdai ten relkhawm dingah Kohhran pi in a duh. Thurelkhawm dingah, kaih a tuar mi pawl luat ter dingah, zalen zet in sim rel thei nak le a hrampi minung covo zaten upat dingah kan forhfial ringring. Harsat tuar mi ram mi pawl zangfah nak boam nak pawl a zamrang thei bikin thleng dingah tuah uh.

            Ram tinkim hnen ka sim duh mi cu a thok lam ah Kawlram thu cu leitlun in an ngaihsak zet nan netalam ah cun leitlun ram thuhla rel nak ah Kawl ram thu a hlo vivo. A dang buainak hmun lamah an ruah nak a thleng. Asinan kan tuar mi buainak pawl a hlo hrih lo. Kawlram vonmang sal in mipi pawl ih Democracy le remdaih nak zuam nak pawl bom uh. Ral thuam thilri pawl kuat nawn hlah uh. Minung zangfahnak bomnak pawl ngah vivo dingah bom uh. Remdiahnak lamzin thawn simfiang a ngah. Remdiah nak lam lawng pakhat lawng asimi lam a si. Himi thuthang cu Vatican thuthang ihsin kan don mi a si.

https://bit.ly/3Gkm7JJ