Vatican tual ah on dingmi naute Jesuh inn ong puai caanserh ah Peru ram ih Choir pawlkom in hla sak ding. (November 26, 2021)

Vatican tual ah on dingmi naute Jesuh inn ong puai caanserh ah Peru ram ih Choir pawlkom in hla sak ding.

(November 26, 2021)

              Himi Choir pawlkom cu Missa sumnakih Puithiam pawl bawm tu mi 50 thawn din mi pawlkom a si. Anmah pawl cu Peru ram a phunphun ihsin mi pa pawl an si. Anmah pawl cu Gregorian hla pawl sak lam ah mi theih tam mi pawlkom an si. Anmah pawl cu kumtin hlan lai Khristian hla pawl sak mi kum zabi a dot dot ih hlan lai hla hlun pawl an sak sal ih music video khui pawl suah in an darh ter.

              Pope in pawlkom sungtel pawl an suahkehnak hrampi hngilh lo dingah, hlan thu langter sal in hmai lam san thar nauhak pawl hnen hlan dingah, himi tuah nak cu 2016 ah pawlkom ih a hmaisabik music video kha Christmas hla 6 an saknak in an darh thok ih tui kum ahcun December 10 ni Vatican tual ih ret dingmi "Naute Jesuh inn" on puai caanserh ah an sak ding.

              Covid-19 pulhnat sia ruangah mah rori caanserh ah telin hla sak thei loin Peru ramah um in line ihsin lawng thangthat nak hla an sak ding tiin an sim. Atuvekin kawh an si nak cu Peru ram ih nunphung kha leilungpi ah langter dingah, a hleice in Nu Pawlpi ih a thupi bik asimi Vatican tual ihsin leilungpi in thei dingah pholang nak khal a si thu, himi caanserh cu tuanvo nei in thlah tu ding Fr. Carlos Lopez in atuvekin thlah a theih ruangah Peru ram ih nunphung ro khal siseh leilungpi in thei dingah le himi nunphung daan thawn Gospel thuthangtha phuang nak ah ziang tluk in a thu pit thu khal cui Puithiam in a sim fiang. Himi thuthang cu Rome Reports thuthang ihsin kan don mi a si.

https://bit.ly/3p6NAbf