Vatican tualrawn ah Christmas thingkung le naute Jesuh inn cu aralai dingmi December 11 niah an tuah thok ding. October 30, 2020

Vatican tualrawn ah Christmas thingkung le naute Jesuh inn cu aralai dingmi December 11 niah an tuah thok ding.

October 30, 2020

            Christmas thla cu rerlote ah a ra thleng ding. Covid in ziang tluk in nasazet in in namnuai hman ah Christmas ih ruahsan nak, Christmas ih nuam nak cu ziangti zawng khal in colh a ngah lo thu, a hleicein tui kum ahcun kumdang hnak in colh a ngah lo sinsin. Covid-19 can hlan a hlan vekin hmanhman tonawk sal ding caan tiang kan ulenau pawl thawn lungrual ten um dingah a tul. Tuikum Vatican ih tuah dingmi Christmas tuah nak cu ruahsan nak, zumnak, duhdawt nak, innsang le Bawi Jesuh cu a miphun hnen ah feh in anmah pawl a run ding. hnem nak a pe ding. Aralai dingmi December 11 ni zanlam nazi 4:30 ah covid karhzai lo nak daan thawn kaih in tuah daan kel tulh loin naute Jesuh inn cu an sak thok ding a si. Tui kum naute Jesuh inn cu Italy ram Castelli myo ih hlut mi a si. Himi khuapi ah ceramic industry (lungto phengtuah nak cet)  tuah nak cet zung a um ih, cui hnatuan tuannak cu kum zabi 16 in a si.

            Christmas thingkung cu meter 28 a sang ih, Slovnia ram, Kocevji khuapi ih hlut mi a si. Himi program cu Cardinal Giuseppe Bertello le Bishop Fernando Vergez Alzaga pawlih hoha in tuah ding a si. Cui ni zinglam ah a hlu tu ih aiawh tu pawl thawn khal Pope Francis tong phah in, an laksawng cohlan ding a si. Naute Jesuh inn cu cuui zuk thawn tuah ding a si. Cui zuk pawl, inn pungsan pawl cu "F.A.Grue" kut thiam zir nak tlang ih tlawngta pawl, saya pawl kom in tuah ding a si. Hi tlawng pi cu kum 1965-1975 kum tiang tlawng ih zirh daan cu Christmas thuhla lawng bet in design an suai ter. St. Peter tualrawn ahcun naute Jesuh asuah nak zuk tuah mi zuk 54 pawl lawng an tuah thei ding a si. Christmas thingkung, tuikum Christmas thingkung cu Slovenia ram, Kocevje khuapi in hlut mi a si. Kocevje khuapi cu Rinza tiva parih ummi khuapi a si. Himi hmun ih thingkung pawl cu a hlanvek in a tam lai.

            Khuapi ih zatek 90 cu thingkung in a kulh. Spruce thingkung phun cu hlanlai daan vekin khua thanso nak a lang ter. Curuangah hmun le ram hrangah a thupi mi puai pawl, a hleicein May 1 nivek caan  pawl, Christmas vek a ropi mi puai pi pawl ah an hmang. Hiimi thingkung phun cu Europe ah a sangbik mi thingkung phun a si. Asan lam meter 6180 tiang a sang. A kum in zoh khal le kum 300 hrawng a si. Vatican ih tuah dingmi naute Jesuh inn le Christmas thingkung tuah mi cu 2021, January 10 "Bawi Jesuh in Johan hnen Baptism a lak nak puai ni" tiang Vatican tual rawn ah an um ter ding. Ziangruangahtile Christmas caan cu cui puai ni ih a cem ruangah a si. Himi thuthang cu Vatican thuthang ihsin kan ngah mi a si.  

https://bit.ly/36Ow4z8