Vatican tualrawn ah ret mi Naute Jesuih innte ah thilri phun 100 hrawng re in timtuah (December 20, 2021)

Vatican tualrawn ah ret mi Naute Jesuih innte ah thilri phun 100 hrawng re in timtuah

(December 20, 2021)

         Tui kum Vatican ih sak mi Naute Jesuh innte cu Peru ram ih a si. Leitlun killi in Vatican ah khawm a zawh tu pawl a hiip thein a sa. Asinan, St. Peter tualrawn ih tuah mi Naute Jesuh innte cu hi mi pakhat lawng a si lo. St.Peter tualrawn sungah Naute Jesuih innte zaten 100 hrawng an tuah. Pope in a rak tel ter. Naute Jesuih innte tuahnak in tidaan thar thawn riannak a si tiin khal Pope in Naute Jesuih innte sak dingah tha pe phah in a forhfial.

         Cui Naute Jesuih innte pawl cu ram 15 ih tuah mi pawl an si. Cui ram pawl cu Indonesia, Kazakhstan le Venezuela ram pawl an si. Naute Jesuih innte pakhat ciar cu a bang aw lo mi nunphung ai a awh ih Christmas danglam in tuahnak a si. Hrekkhat cu thil mankhung an si. Phun dangdang, a tum a tet a phunphun in a um thu, Vatican ih meisa mittu pawl in meisa mihnak mawtaw sungah an mai Naute Jesuih innte an sak ih a dang pakhat cu Chocolate a dum thawn tuah mi a si.

         Naute Jesuh suahnak cu nauhak pawl ih tuah mi pawl tla an telh thu, hi museum (langternak) pawl cu mifim mithiam pawl ih tuah mi a si lo mi kutthiam, ruah daan, hmun ret daan pawl a zoh tu pawl an mang a rak bang ter thu, an pek duh mi Christmas thuthang tongkam an pek thei thu, a zoh tu zaten 45,000 an um zo. Pulhnat ton caan pawl ah tui Christmas cu ruahsannak a um ter mi Christmas si dingih an tuah mi a si.

         Ziangah tile leitlun ih cui thuk nak pawl ruangah tluk nak le a hlo mi kan unau hrekkhat pawl ih zumnak thar ter sal dingah khal a si thu, Naute Jesuih innte pakhat ciar ih hmuh mi pawl cu a dang pakhat thawn a bang aw lo mi Christmas thuthang in sim. Cui hlei ah Vatican ih Christmas cu hmundang ih Christmas thawn a bang aw lo mi a thukzet mi hmuhtonnak pe dingah a si thu Pope ih Bible thuthangtha a thar ih simrel ih a thantu zungih tuanvo neitu Fr. Ivan Ricupero in a rak sim.

         Hi thuthang cu Rome Reports thuthang ih ngah mi a si.

https://bit.ly/3eeN0D9