Vatican in United Arab Emirates (UAE ram) ah a hmaisabik Embassy ong. (February 4, 2022)

Vatican in United Arab Emirates (UAE ram) ah a hmaisabik Embassy ong.

February 4, 2022

            United Arab Emirates (UAE ram) ah Vatican ih a  hmaisabik Embassy cu kan dung tlawngkai ninga ah an ong. Vatican ram sung zungih aiawh hnatuan tu Archbishop Edgar Pena Parra cu Arabic tikulh ih ram palai sinak ong dingah Abu Dhabi ah a feh. “Himi zung a um nak in Pope aiawh tu hrangah bomnak a si vekin ram sung Catholic kiangkap hrangah bom nak a cang ter tiin a tuanvo a tuan nak ah Pope Francis ih a cang ter duh mi a si” Bishop Edgar in a sim.

            Vatican zung a um nak cu Pope ih ram palai hnatuan pakhat asiih himi cu cozah ih theih pi mi Pope ih a dik mi aiawh tu pakhat in a hoha thu, himi ram ah aiawh tu zung phuan nak ih a san cu a fiang tuk. Himi hmun ah Pope inn pi a um ding. Cutivekin himi cu Abu Dhabi ih um mi Vatican zung ih ram thu a aiawh” tiin Bishop Edgar in a khualtlawn nak ih Interview ah a sim.

            Himi cu thlarau lam a fiang mi hminsinnak asivekin, himi cu ram hnih asimi Pope ih zung le himi ram karlak pehtlaih nak ah a nai aw ter tiin khal Bishop in a sim bet. UAE nunphung minister Noura Al Kaabi le nunphung le ram thulam assistant minister Omor Ghobash tei khalin ong puai caanserh ah UAE cozah ih a dang tuanvo nei tu pawl thawn an feh.

            Bishop Edgar in UAE ram dang minister Sheikh Abdullah bin Zayed Al Nahyan le a dang tuanvo nei tu pawl hnen ong nak hrang a lung awi thu a sim. Pope ih thuhla lam secretary Msgr. Yoannis Gaid cu Bishop Edgar thawn UAE khalah an feh. Msgr Gaid cu ulenau sungkhat committee in pawlkom sungtel pakhat khal a siih Arabic thlanglam ih Pope aiawh tu asimi Bishop Paul Hinder khal a tel.

            Vatican cu 2007 ah UAE le ram palai pehtlaih nak an nei nan a hlan Pope aiawh tu pawjl in Kuwait ah um in UAE ah an rak um lo. UAE ah 2007 ihsin thokin Pope aiawhtu 3 an um ih tubaite ah Archbishop Francisco Mon Lecillo Padilla cu 2016 ihsin 2020 tiang Pope aiawh tu tiin hna a tuan. Fr.Padilla cu Guatemala ih a thawn ihsin a hmun a lawng ih Msgr. Kryspin Dubiel cu tuanvo nei tu tiin hna a tuan.

            UAE ah a tu caan ah Rome khuapi ih Pope ih zung ih a um mi aiawh tu pakhat hman an um lo. Tui zarh thok lamah Bishop Edgar cu mi 1.42 tan a ummi Arabic ram ih Catholic Biakinn pahnih lakah pakhat asimi Abu Dhabi ih St. Joseph Biakinn ah Catholic Khristian Biakinn thar hrangah an ong sak. “Abu Dhabi le Arabic tikulh ih Catholic zaten ruahsan nak thawn tuar thei nak le Khristian nunnak ih zohthim tlak pakhat asi” tiin Fr in a thusim nak ah a sim.

            Nannih cu Tuurual nan si nan Kohhran timi Khrih ih taksa ah tuah ding a um. Khui tawk hrawng a thupi deuh timi a um lo. Mipum an mal nan Arab pipu pawl ram ih Parish pawl cu nisuah nak a laifang lam, thlanglam Asia le a dang leitlun Khristian Pawlpi pawl ih Catholic daan pawl le biakkham nak pawl cu hmunkhat ten a kom ter tiin a sim.

            Missa raithawinak cu Arabic, English, French, Philippines, Malayalam, Sinhalese, Urdu, Tamil, Konkani, German, Italy, Korea, Poland le Ukaraine tong pawl thawn khal an tuah. St. Paul Catholic Biakinn phuan caan tiang St. Joseph Parish cu kum 50 luan Abu Dhabi ih pakhat lawng asimi Catholic Biakinn a si.

            Arab pipu pawl ram ih biakinn cu Islam asiih Sunni Muslim a tamsawn an si. Zingzoi nak ih an si nak vekin mipum zatek 12.6 cu Khristian pawl an si thu, Abu Dhabi ih biaknak lam hlawmawk nak ah Khristian Sister tlawng cu Abu Dhabi ah tuah mi leitlun remdiahnak thawn hmunkhat in um nak, minung zangfah awk nak thawn pehpar mi ca ih kum thum nak ni ah Francis cu Abu Dhabi ah biaknak lam thurelkhawm nak ah Francis thawn lethmat thu in kum thum kim (Feb 4, 2019) ah an phuan.

            2019 ah Pope cu Abu Dhabi ah a feh ih Arab ih biaknak lam hotu a tong ih leitlun remdaih nak thawn hmunkhat ten um nak, minung khat le khat zangfah nak thawn pehpar mi ca ah lethmat a thu ih kum thum kim caan ah an phuan thei.

            Bishop Edgar in minung zangfah awk nak thawn pehpar mi ca ah “kanmah pawl ih ram palai pehpar awk nak cu a thuk ter tu ruahnak a .2si thu” a sim. Fimthiam nak thawn pehpar mi Vatican Kohhran ih Vatican tuanvo nei tu pawl cu minung lam thiam nak laksawng thawn Abu Dhabi siangpahrang fapa Sheikh Mohanmed bin Zayed Al Nahyan  sunloih dingah kan dung july thla ah UAE ah an feh. Himi thuthang cu CNA thuthang ihsin kan don mi a si.

https://bit.ly/3gJPxGW