Vatican in vei (57) nak leitlunhuap pehtlaihnak ni thula than (September 30)

Vatican in vei (57) nak leitlunhuap pehtlaihnak ni thulu than 

September 30, 2022

         ‘Speak with the heart: Veritatem facientes in caritate’ (Doing the truth in charity) (thinlung sung lawng in sim aw. Thudik cu duhdawtnak thawn tuah aw) tiin Vatican mipi pehtlaihnak zung in 2023 leitlunhuap mipi pehtlainak ih thulu cu tlawngkai nili ah nemhnget in a than.

         Hi motto cu 2022 ih thulu ‘Listen with the ear of the heart’ (thinlung in ngai aw) ti mi thawn a bang aw. A ralai ding mi kum (2023, October) ah Synod tuah a si ding. ‘Thinlung in sim aw’ ti tikah ‘ruahsannak pek mi ruahnak pe dingah; hi vekih tuah ding ahcun pehtlaih daan cu lilawn vek si loin feh tlang mi lilawn ih hmang dingah a si’ ti duhsan a si.

Speaking the truth with a style of mercy

Thudik cu zaangfah lainatnak thawn sim aw

         Thudik sim dingah a nuam lem lo nan thinphang loin sim aw. Sim ngam dingah Bible Cathianghlim ih hrampi hawl dingah khal a forhfial. Thudik sim tikah zaangfahnak, a tlaitluang mi lungnomnak le kan san tiluan ih mipi pawl ih ton rero mi harsatnak pawl khal tuar a tul. Emmaus khua ih tlung tu Dungthluntu pahnih vekin thilcang hmuahhmuah ah tep thiam a tul.

Non-hostile communication

Hauawk lo mi pehtlaihnak si a tul

         Leitlun ih a cang rero mi harsatnak pawl ah mipi pehtlaihnak hman tikah thinhengnak vek si lo dingah ralrin a tul. Mipi pehtlaihnak cu ngaingai ahcun midang pawl thawn thu reltlangnak lam in on sak. Hriamhrei hmanlonak (lole) hriamhrei hrial mi tidaan khal tha a pek. Ralbuainak cang ter duh mi thinlung kan thinlung sungih a caam thu cu St. John XXIII in prophet ruahnak thawn a mai ‘Pacem in Terris’ capi sungah a rak ngan. Cu a si ruangah mah pakhat siseh, a hleice in mipi pehtlaihnak lam hnatuan pawl ah a tuantu pawl dinhmun in pumcawm aw phah in thudik, unau thinlung le minung bang mi hmailam caan din dingah zuam a tul tiah a sim.

         Hi thuthang cu Vatican thuthang ih kan ngah mi a si.

https://bit.ly/3MbuCeN