Vei 108 nak leitlunhuap mivai pawl le mi harsa pawl ni hrangih motto suahnak. (22 February 2022)

Vei 108 nak leitlunhuap mivai pawl le mi harsa pawl ni hrangih motto suahnak.

(22 February 2022)

          Pope Francis in September 25 ih tuah ding mi vei 108 nak leitlunhuap mivai pawl ni hrangah mivai pawl le mi harsa pawl hmailam caan dinnak ti mi motto a rak hril. Mai umnak inn tansan in a tlan tu pawl bawmnak le ruahharnak le hremnak pawl ruangah inn le lo nei lo tu pawl hrangah mangsal in thlacam dingah kumtin ten Septamber thla ih Zarh netabik ni ah tuah a si theu. Vaihnak thawn pepar mi caantha pawl cu 1914 ah hmaisabik an rak tuah.

          Vatican ih milai thansonak tuahnak pawlkom ih tarlang mi vek asile tui kum ih motto ah a thupibik in in hmuh mi cu kan zaten tha ten zohman tanta lo in Patian tumtah mi ah kan zaten hmailam caan hlawmaw ih tuah dingah a si. Hi vekih dinnak cu hmailam caan dinnak ah mivai tu pawl le mai harsa pawl tel tul mi nemhnget in khaisannak a si thu, ziangah tile hi vek lawng in milai zate ih pumkhat a si mi milai pawlkom thansonakhrangah dinhmun pawl a fiangter mi leilungpi din a theih ding ruangah a si tiah a sim.

          A fate paruk tel mi Pope Francis ih capi ah mivai pawl le mi harsa pawl cu milai pawlkom pawl le milai pawlkom pawl ih nunphung, sumdawnnak, cin le daan leh thlarau lam thawn pehpar mi ih thansonak hrangah tu ahcun hmailam caan ah khal pawlkom ah ziangvek a tuah thei ding ti mi reltlang in a san a hawl ding. Kumtin vekin mivai pawl le mi harsa pawl cu multi Media bawmnak pawl, thuthang pawl le Theology lam ruahnak ihsin motto le thuhla hrekkhat pawl thuk zet ih thei thiam sinsin dingah tumtah in March thlacem ih thok ding mi pehtlaihnak lam lungrualnak cu an tuah ding.

          Hi thuthang cu Vatican thuthang ih kan ngah mi a si.

https://bit.ly/3hlyEm3