A vei ( 50) nak leilung pi ni ih Pope Francis ih thu cah mi April 22, 2020

A vei ( 50) nak leilung pi ni ih Pope Francis ih thu cah mi

April 22, 2020

Tui zarh tlawngkai nithum ni khalah Leilung pi ni tiih an ret mi a vei 50 nak ni ah leilung pi thawn pehpar aw in Pope Francis in a rak sim a si. Duhdawt mi ulenau pawl tui sun April 21, 2020 nu cu leilung pi ni  Leilungpi vunman sal nak ni a vei 50 nak kan hmang a si. Hi ni sunlawih nak ni sunglawi ni ah kan innsang pi a si mi leilung pi kilkhawi ding ti  mi ruah nak sungih ret dingah kan tul tuk mi a si. Kan mah pawl cu leilung ih a um mi sersiam mi hmuahhmuah kha karh ter dingah tuanvo kan nei a si. Ziangruangah tile Leilungpi cu nuam nakih khah ter nak hmun a si ih a sungih um mi thil pawl cu mai hlawk nak men ih hmang ding kan si lo. Kan hamtamnak pawl neh tahratin a sunglawi mi Leilung pikha upat thiam thei dingah kiang le kap kha a thar ih hmuh thiam thei nak kan tul a si.

Ziangruang tile Leilung pi cu Pathianih inn a si. Kan zaten a thianghlim mi Pathian ih leilung parah kan sukso rero a si. A tui a cang rero mi Coronavirus pulhnat cu pakhat le pakhat kut kai aw in kan bomawk lawngah leilungpi hi dik zet in kan kilhim thei ding a si.

Minung pawl in kan hamtamnak kan neh thei lo ruangah a tui leilungpi kilhim dingah tuan vo nei lo vekah kan cang a si. Thli le Tidai pawl khal kan bar ter theh. Kiang le kap khal kan siatsuah theh. Cuti vekin kan nunnakah buainak kan thlen ter a si. Hi din hmunah hin ram tin kimih pawlkom tin kim pawl khal in, kiang le kap thingkung pawngpar ti le thli pawl thawn pehpar in zaangfah dilnak,  ngen nak pawl kha raut in tuan tlang thei a si lawngah a tui kan tuar rero mi buainak phun kim kan tot, kan phah thei ding a si. Kiang le kap sunnak cu, kan nauhak pawl lamzin kapah kan thlen ter ih cui lamzin kap kan thlen ter nak cu hmailam zoh san nei lo din hmun ah an thlen nak kha a langter a si. Kiangkap kilhim nak thu thawn pehpar aw mi (2015 kumih an suah mi thuluu vekin kan ni cu lei dip ih a ra mi leidip ih, a par le a rah kan si ruangah kan leilungpi cu kan kilkhawi a tul a si. Kan Cathianghlim Semtirnak sungih kan hmuh vekin kan ni cu leidip men men kan si lo. Pathian ih pek mi thaw, nunnak thawn a nung mi kan si. Curuangah kan ni cu pakhat le pakhat a pehpar aw mi innsang kan si ruangah a tui kan ton mi hrinhro nak pawl kha bangran ten kan lehrul a tul a si. Paschal tik cu caan cu thangharh ding tik cu caan a si. Kan ni minung  pawl cu Pathian hmuihmel keng tu kan si nak khal cu, hi mi tik cu caan ah kan innsungsang hrangah duhdaw aw zet dingih kan zuam vekin, Kan unau pawl, runnung pawl khal kilkhawi ding kan tul a si. Duhdawtnak le zaangfah lainatnak thinlung kan hmuh a tul a si. A thu pi bikin bom a tul tu pawl hrangah vanih kan Pa hnenah Bawipa in a thiangthlarau a thlah tikah an mah cu an nung. Maw Bawipa leilung hi a thar in rem sal aw tiah thlacam sak cio uh si. (Saam 104:30) Kan leilungpi le sungum mi kan unau pawl duhdaw dingih hngilh nak cu Leilungpi kha ziang rel lo ih um mi sual nak, kan kiangkap pawl kha ziangrel lo ih um mi sual nak, a neta bikah cun Sersiam tu parih sual nak a si. Curuangah kan zateih ta a si mi kan inn a si mi leilung pi thawn rualrem aw zet ih kan um thei nak dingah ralring ten kan um a tul a si.