Vietnam Catholic Puithiam pakhat sualthlah a ngai lai ah thah tuar (31 January 2022)

Vietnam Catholic Puithiam pakhat sualthlah a ngai lai ah thah tuar

(31 January 2022)

          Vietnam ram ah Dominican Puithiam pakhat sualthlahnak a ngai lai ah thah a rak tuar. Thah tuar tu Puithiam ih hmin cu Guise (Joseph) Tran Ngoc Thanh, O.P a si. Kum 41 a si ih Kon Tum thawn peng 40 a hlatnak Dak Mot Diocese ah rian a rak tuan rero.

          Cui thil a rak can ni cu Zarhte ni, January 29, zaanlam Missa sumnak tuah hlan sualthlah a ngai lai ah naam thawn thah a rak tuar. A thattu tiih rinhleh mi pakhat khal an kaih ngah thu Kon Tum Diocese ih cahmai ah an tarlang.

          Fr. Guise (Joseph) Tran Ngoc Thanh cu 1981, Hochimin ah a rak suak. Dominican pawlkom sung pakhat dinhmun in thukamnak famkim cu 2010 ah a rak lak. A ruakvuinak caanserh cu thah a tuar hnu a thaizing January 30, Kon Tum ih um Dominican Yatih tlawngih thlaan ah an rak tuah. Asinan, ruakvuinak caanserh cu January 31, Bin Hoa ih um St. Martin Chapel ah an tuah ding.

          Zaangfahten Fr. Guise (Joseph) Tran Ngoc Thanh ih thlarau Pathian uknak ram a luh theinak dingah thlacam sak uh tiah January 30 ah Kon Tum Diocese in thlacamnak a rak dil.

Hminsin dingah:

          Tui thuthang ruangah Dominican pawlkom thawn siseh, Nu Pawlpi thawn siseh, Vietnam ih Catholic Kohhranpi pawl le Dominican pawlkom sungtel zate thawn kan riahsia in thlaza kan cam sak.

          Hi thuthang cu RVA thuthang ih kan ngah mi a si.

https://bit.ly/3L2ruAE