Vietnam ih Khristian thawng tampi thah tuar tu pawl mansal nak.

Vietnam ih Khristian thawng tampi thah tuar tu pawl mansal nak.

November 24, 2022

            Vietnam ram ah 1533 ah Khristian zumnak a thleng ih Vietnam ih Khristian tampi cu hmuhsuamnak a phunphun ruangah Mithianghlim pawl le Martyr pawl ah an cang. November 14 cu Bawi Jesuh ruangih thah a tuar mi kan theih mi pawl siseh, theih lomi pawl siseh Vietnam mantyr pawl ih puai ni a si.1630-1886 ah mi 130,000 ihsin 300,000 Khristian pawl cu ram sung ah thah an tuar ih thenkhat cu minung bang lo khop ih tuah mawh nak le kaihnak an tuar. Thenkhat pawl cu tlang pawl le hramlak ih tlan dingah le ramdang ih dawi an tuar.

            Himi cu ramkhel thleng nak le social remdaih lo nak ruangih a cang mi asi tiin ruah a siih, ahleice in Khristian a dodal tu emperior kut sung ih a cang mi a si. Himi Vietnam Martyr pawl puai ni cu kumzabi 18 a cem nak lam le 19 thok nak lam ah Vietnam  mi Catholic mi Catholic ralthat nak ruangih thah a tuar mi mi 117 an tel ih thenkhat cu an hmin theih lo mi Martyr pawl ih puai ni a si.

            Cumi sungah Vietnam 96, Spain 11 le French 10 an tel. Pawlkom 8 ah Puithiam 50 le Catholic mi menmen 59 an tel. Mi  menmen Catholic Mithianghlim ah nauhak kum 9 mi le nauhak 6  ih nu Agnese Le Thi Thanh khal an tel. Thenkhat Puithiam pawl cu Dominican an siih thenkhat cu Paris Mission Society sungtel le diosesan Puithiam pawl an si.

            Martyr pawl cu “St.Andrew Dung Lac le a rualpi pawl an siih, St. Andrew Dung Lac cu Pathian thei lomi innsang in a rak suak ih Catholic Pathian thusim tu saya ih kilkhawi dingin an hlan. Baptism a ngah ih 1823 ah Puithiam can nak a ngah. Amah cu Parish Puithiam le Vietnam ih Puithiam tiin le Vietnam ih Missionary khal a si. Catholic zumnak ih a ralthatnak ruangah veikhat hnak ih tam thawng thlak a tuar.

            Amah cu Hanoi ah 1939 December 21 ah thah a rak tuar. Vietnam ih Martyr pawl pawlkom cu Pope tampi in sunloih nak an pe. 1988 June 19 ah Pope John Paul II in Martyr 117 pawl cu Pathian riantuan cazin thawn anmah pawl hnen zangfah dilnak caanserh a rak tuah. Ziangtin an zaten kan thei thei ding? A tuah anmah pawl rikhiah in theihpi an si ko nan an mah pakhat ciar kan thei thei lo” tiin anmah pawl khaisannak Missa raithawinak ih thuthangtha a simnak ah a rak sim. Amah in Vietnam ih hmuhsuam tuar nak le a hlan Khristian pawl ih ton mi pawl tlahton nak khal a nei.

            “Himi Martyr pawl ih thi cu a rang, Vietnam ih Khristian pawl, ralthatnak thluasuah hrampi tiin khal kan ti thei. Kan pa le pawl ih ralthat nak cu san thar pawl hrang tiin a sim bet. Cui ralthatnak in zuam  nak in tan, Vietnam mi diktak sinak, ram hrang ralthatnak le Khrih hrang a hman mi daan khal in nei ter. “Martyr pawl ih nunram ihsin, an tuar nak, an mitthli pawl in Pathian ih thatnak an lang ter” tin a sim bet. Anmah pawl in Vietnam Pawlpi hrang phur nak tuanvo theihnak pawl in pe. An tha suahnak, an tangdor nak in harsat nak a phunphun pah suak nak le Khrih phuang dingah in bawm. Kan hrangah a famkim mi thlarau in pek ruangah Pathian hnen kan lungawi.

            “Pathian duhdawtnak ah tuar thei nak nei dingah, thil tha tuah ding, a zalen mi vekin nung ding, mi hmuahhmuah upat dingah, kan unau pawl duhdawt ding, Pathian tih zah ding, thuneih nak le kiangkap upat dingah Gospel ih in sim mi pawl cu Khristian zate in kan thei” tiin Pope in a sim. Vietnam ih martyr pawl in Vietnam pawl le an nunphung thawn tuk zet in zalennak an rak thok ter inn John Paul Ii in a sim. Pathian hrang ral thatnak an lang ter ih nisuahnak ram pawl ih nunphung pawl man an nei ter tiin a sim.

            A hmaisabik Vietnam Pathian thuthangtha simtu pawl ih hruai nakah lei le van sersiam tu pakhat lawng a simi Pathian hnen ah an tul taktak mi an dil tiin Pope John Paul II in a sim. A liam zo mi caan ih mi thawng tampi ih ralthatnak cu Khrih keneh an thlun nak a si. Himi thuthang cu Catholic News Agency thuthang ihsin kan don mi a si.

https://bit.ly/3V7cgzh