Vietnam ih Thai Binh diocese ah Pope Francis in bishop thar ret

Vietnam ih Thai Binh diocese ah Pope Francis in bishop thar ret

Pope Francis in Fr.Dominic Dong Van Cau cu Vietnam ih Thai Binh diocese ih bishop thar tiin a ret.

Kum 60 a si zomi Fr. Dominic Dong Van Cau cu Thai Binh ih The Sacred Heard Major Seminary Siangbawi tlawngpi ah hotu dinhmun in hna a rak tuan dah. Amah cu cuih diocese ah kum 26 luan rian tuan in a cawl zomi Bishop Pierre Ngugen Van De, S.D. C ih hnatuan sawngtu a si.

Msgr.Dominic cu 1962 kum, July 17 ni ah, Thai Binh Diocese ah a rak suak. 1990 ihsin 1996 tiang Ha Noi khuapi ih St. Joseph Major Seminary ah tlawng a rak kai. March 9, 1996 ah Thai Binh diocese hrangah Ordination a rak ngah.

1996-2000 tiang Thai Binh bishop ih secretary a tuan. 2000-2005 tiang Institut Catholique de Paris tlawngpi ah Catechetical Pastoral Care lam ah zirsang a kai ih cuih tlawng ihsin Master degree  a rak ngah.

Thai Binh bishop ih secretary tiin (2005-2009), Vang Lang ih Parish Puithiam tiin (2009-2013), Ha Noi ih St.Joseph Major Seminary ah Pathian thuhla le Theology professor tiin (2009-2013), Thai Binh diocese ih Pathian thulam ih pawlkom hotu tiin (2009-2016), Hung Yen Deanerych bawmtu Puithiam tiin le Hung Yen ah bishop ruahnak pe tu tiin (2014-2016) tiang rian a rak tuan.

2019 ihsin Thai Binh ih Sacred Heart Major Seminary ah hotu tiin rian a tuan. Thai Binh cu Vietnam saklam Red River Deltal tikap tluan ih um mi a si. Thai Binh diocese cu 1960, November 24 ah  rak dinmi a si ih Ha Noi Archdiocese ih ukmi a si. A hmun le ram cu 2, 465.09 km asiih, Hung Yen le Thai Binh tiin pahnih in an then.

2020 ih Vatican ih cazin an lak nak vekin, Parish 121 a umih Catholic mipum 136,656 an um. Diocese ih mission hnatuan thupi ih a ret mi cu mino pawl ih zumnak lam theihkauhnak nei sinsin ding ih zirhawknak a si. Cumi in tlawngta pawl ih fimthiam nak ah tampi a bawm. Pathian riantuannak lam ah cun diocese in innsang pawl le mivai pawl thawn hna an tuan tlang. Cumi in Siangbawi tuan ding le  Pathian hnatuan dang tuan dingih kawhnak a karh ter sinsin. Himi thuthang cu RVA thuthang ihsin kan don mi a si.

https://bit.ly/3TKOg38