Vua tikcucaan sungah Bawi Jesuh a suah nak leiram in Franciscan Siangbawi pawl in Thinglamtah lampi thlunnak an tuah ding. February 19, 2021

Vua tikcucaan sungah Bawi Jesuh a suah nak leiram in Franciscan Siangbawi pawl in Thinglamtah lampi thlunnak an tuah ding.

February 19, 2021

          A thianghlim mi hmun “Holy Land” tiih upat sunloih ih kawh mi Bawi Jesuh a suah nak leiram ih um Nu Pawlpi ih neih mi inn pawl, hmun le ram pawl kilkhawi dingah Pawlpi in Franciscan sungih Siangbawi pawl tuanvo a rak pek. Curuangah an mah pawl cu “a thianghlim mi hmun kilkhawi tu pawl” tiin an upat hngin.Vua tikcu caan ah Catholic kohhranpi pawl in Bawi Jesuih Thinglamtah lamzinpi cu khawm zawh tu pawl thawn feh dingah an rak thok.

          Asinain, covid nathrik ruangah khawmzawhtu pawl an um nawn lo ih kan dungkum vekin an tuah thei nawn lo. Curuangah radio in thlah a si ding. Harhdamnak dinhmun vekin Bawi Jesuh ih keneh, Thinglamtah lampi feh thei nawn lo hman sehla hla pi ah um tiin ruat lo in kiang nai te ah um vek ih ruat thei dingah technical in bawm nak thawn line in an thlah nak a si.

          Curuangah Vua tikcu caan sungah “tlawngkai ninga ni” tinten Bawi Jesuih a rak feh nak Jerusalem ih Calvary tlang zim, Thinglamtah lampi ah live an thlah ding a si. Hi vekin tuah sak nak cu Bawi Jesuh ih a hlan kum 2020 luan ih a rak bang nak, harsatnak a tuar nak pawl thawn a rak feh nak ruah ter sal duh ruangah a si. Hi Thinglamtah lampi thlun nak in a tui leilungpi ih ton rero mi hngah hlap nak thawn tuah dingah thutak tleu ter dingah a si.

          Pasca thuthang a si mi harsatnak tuar nak, thih nak theh ah thawh sal nak a um ding. Cu vek in tui leilungpi ih harsatnak caan a pah suak theh hnu ah remdaih caan a thleng leh ding. Thinglamtah lampi hmun 13 cu a thianghlim mi leiram ih rian a tuan rero tu Franciscan Yatih puithiam pawl in an um nak hmun in ruah nak an pek ding a si. Hi video cu zuk cia mi a si. Hmunkhat ciar ih ruah nak pe tu Yatih pawl cu Syria ram, Jerusalem, Greece, Telavi, Isarel pawl in an si ih an mai um nak hmun in an thlah. Video ih hman mi tong pawl cu English, Tamil (India), Taglo (Philippines), german, Italy, Spain le Madarin (China) tong pawl thawn an thlah ding a si.

          Hmun khat ciar cu bawi Jesuh a hlan kum 2000 luan hrawng ih a rak feh nak hmun pawl tha zet in an zuk ih an langter. Video zuk nak ah thlarau lam ih a muril pe thei dingah, zuk pawl, sintuh pawl, kiangkap pawl thawn an tarlang ding.Cui hmun pawl cu Cathianghlim a cannak hmun pawl thawn a pehpar mi hmun pawl zuk ih langter mi a si.

          Hi caanserh cu tuanvo nei tu Yatih in tui ram tinkim ah covid humhimnak sii an dawt rero zo ih 2021 ih Pasca cu a hlan vek in dai ten um lo in kohhranpi pawl khal Biakinn ah khawm thei in, a ropi zet ding tiih an ruahsan thu, humhimnak sii dawh nak cu a thianghlim mi leiram ah khal an thok rero thu, a sinain ralring zet ih an um thu, khawm zawh tu pawl feh thei lo nak cu Biaknak lam ah cun a  poi mawh tuk lo nain ram ih sumpai luh nak pawl a siatsuah thu, ziangah tile company nei tu tampi a hlei cee in Bethlehem le Jerusalem khuapi pawl ih company nei tu pawl an hnatuan an cawl. Yatih pawl dinhmun in khawmzawhtu pawl an pek thei mi cu Pathian thu an ruahnak tlawng pawl ih Biaknak lam puaipi pawl khawmzawhnak zung pawl in pelh lo ih thlah sak ding hi a si.

          Hi ti vek in mah rori feh in tel a theih lo nain tel vek in khawm zawh tu pawl a ruah ter thu, khawm zawhtu pawl dinhmun in dinhmun ih a pek a si le zumnak a hram thok nak leiram ih an feh thei thu, a thianghlim mi zarh ah Pasca thawn a pehtlaih mi a thianghlim mi hmun pawl a si mi Bawi Jesuh a ruak an rak phum nak hmun, harsatnak lamzin hrangah timtuah cia mi Gesmane hmuan pawl khal an thlah cih ding a si. Hi video cu Zarhtin tlawngkai nihnih ni le tlawngkai ninga ni ah an thlah dingih, March 30 tiang a si dingih a thianghlim mi Zarh ih tlawngkai nihnih ni ihsin thok in a dang Franciscan ih facebook khal in an thlah ding tiah a sim.

          Hi mi thuthang cu Vatican thuthang ih kan ngah mi a  si.

https://bit.ly/3bGYAoR