Washington thuthang le twitter ah Joe Biden cu "Catholic dik tak President" tiin miin nautat April 29, 2021

Washington thuthang le twitter ah Joe Biden cu "Catholic dik tak President" tiin miin nautat April 29, 2021washington_post_thuthang_le_twitter_ah_joe_biden_cu_catholic_zum_tu_tha_a_si_tin_an_zomtai.jpg

 

Washington thuthang le twitter ah Joe Biden cu "Catholic dik tak President" tiin miin nautat

April 29, 2021

            Washington post thuthang ihsin a tui America President Joe Biden hnen "Catholic diktak President" tiin an nautat nak thawn pehpar in Catholic zum hnget tu mipi pawl in an leh rul. Ziangruangahtile Joe Biden cu Catholic mi pakhat asinan nauthlak nak tha a pek ruangah America Catholic Bishop pawl ih sim nak a tong.

            Catholic meethlak nak zung pawlkom ih upa asimi Brian Burch in Joe Biden Catholic asinak cu thuthang lam ah an soisel. Joe Biden ih thuthanglam secretary in amah cu "Pathian a duh zet tu" tiin a ngan. Cumicu Washington post thuthang in Joe Biden cu a zum mi Pathian thu ih zirh mi thawn malte hman pial a duh lo tu Catholic zum hnget tu President" tiin a hmang.

            Kum tampi ram upa pawl cu "sual nei lomi minung nunnak" kilhim dingah Catholic Pawlpi ih dil mi cu ziangah an rak siar lo. Cumi ziangih an siar lo nak thu ruangah a tu Catholic President in a zummi biaknak ih zirhnak parah a din pi le pi lo nasa tukin ansim ih thil tha lo tuah vekin an soi sel thu, hitivekih mawhthluk nak cu sual nei lo, humhim nak a umlomi, a suak hrih lo mi naute pawl ih nunnak thah a si thu, asinan nau kham nak rak dodal sehla nauthlak dingah a cem mi sumpai cu nauthlak nak pom tu pawl ih cem ding khalah a forh fial.

            April 29 ni Washington post thuthang ah Catholci Kohhran sung ram khel lam thawn pehpar in a nasa mi thu rual lonak a um thu an sim. Ahleicein nauthlak nak cu party ih daan vekin a pom tu a tui President Joe Biden Bawi Jesuh thi le sa sang thei nak thawn pehpar in thu suah dingah America Catholic Bishop pawl lakah thenthum ih then hnih ih pomnak a tul thu, asinan mithiam pawl ih an sim nak vekin cutivek pomnak cu Bishop hnen ihsin ngah thei ding asi lo thu, asinan Bishop pawl in nasa zet in an sim ding asile Catholic mi sinak in nauthlak nak tuah lo dingah thinlung a thleng thei thu, asinan thuthang cu himi thuhla lawng ngan siloin himi thuhla parah thupit ter dingih tumtah ih ngan asi thu Brian Burch in a sim.

            Brian Bruch in pehbet in President Joe Biden in Catholic Pawlpi ih zirhnak thawn pial aw in a tuah nak pawl khal a lang ter. Cutivekin Catholic Pawlkom daan tuah nak ih ruahnak petu pakhat asimi Grazie Pozo Christie khalin Catholic Pawlpi ih zirhnak thawn a kaih lomi President Joe Biden ih tuah tuannak pawl a nautat. Joe Biden cu amah le mah biaknak lam a kai hnget tu tiin a sim vekin ram khel lam ahcun a zummi Pawlpi ih zirhnak thawn a kaih lomi tuahnak cu felfai zetin a lang ter. Curuangah thubuai a suak ter.

            Grazie Pozo Christie ih hmuhnak cu a tu Joe Biden ih kaphnih ih thil a ti nak parah America Catholic Bishop pawl pawlkom dinhmun in America Catholic mipi pawl parah biaknak lam zirhnak thawn pepar in a buai vivo ding ti a phan thu, himi din hmun lehrul sal dingah Bishop pakhat ciar thawn a pehpar thu a sim.

            President Joe Biden President a tuan hnu ni 100 kim mipi pawl hnen thu a sim nak parah a hlan Democratic upa asimi Daniel Lipinski in EWTN thuthang ih thusuh nak ah "Catholic sinak in a dang ding. Mi pakhat ciar ih man Catholic pawl cu thei thiam dingah tuanvo an nei. Cui man cu minung kiangkap a nung ter ding. Kanmah pawl cu a pakhat nak Catholci kan si ding" tiin a sim. President ih simnak ah nauthlak nak thawn pehpar in Trump cozah ih kutsungah ngan mi thu pawl zaten a ling a let thluh. Himi thuthang cu CNA thuthang ihsin kan don mi a si.

https://bit.ly/2PJjKfj

Add new comment

3 + 17 =