World Youth Day cu “mikhual pawl hnen Bawi Jesuh hawl dingah caantha pakhat a si” tiah Filipino Puithiam in sim.(August 21, 2023)

World Youth Day cu “mikhual pawl hnen Bawi Jesuh hawl dingah caantha pakhat a si” tiah Filipino Puithiam in sim.(August 21, 2023)

          Kan dung ih theh suak mi leitlunhuap mino pawl puaini ih rak tel tu Filipino Puithiam pakhat in a hmuhton mi cu a mi theih lo mi hnenih Jesuh Khrih hawl dingah caantha pakhat a si tiah a rak tarlang.

          “Leitlunhuap mino pawl ni cu thlarau lam ih zumak hngetkhoh ter dingah a tha zet mi platform pakhat a si. Cu mi cu nunphung bang aw lo mi lak ah (pumkhat ih um thei dingah) Universal Church zirnak a si tiah Philippines, Malolos Diocese ai-awhtu, Fr. John Patrick Gumasing in a rak sim.

          “An zumnak thawn an ram duhdawtnak lam ih an thatho zet mi hi ka mangbang zet,” tiah a rak simfiang.

          Fr. Gumasing in hi vek mino pawl tonkhawmawknak ih tumtahnak a famkim le, a hleice in mai pawlkom ah Pawlpi in hmailam caan hrang thinhar ding a um lo tiah a rak sim.

          “An thlarau lam a hngetkhoh sinsin le, a hnget zet mi Pawlpi an din thei ding,” tiah a rak sim.

          A unau Puithiam pawl hnenah mino pawl thawn lungrual ten um dingah a hleice in harsatnak an ton caan ih um tlang dingah a rak forhfial.

          “An mah thawn kekar tlangnak in kan hnen in ziang mi an tul taktak ti in thei ter. An mai Tuukhaal kan si a tul ih mino zohman dunglam ih tanta a ngah lo,” tiah a rak sim.

          World Youth Day, 2023 ah Fr. Gumasing cu a mai diocese ih ai-awhtu panga pawl thawn an rak tel ih a dang Biaknak lam ih tuanvo neitu pahnih le mipi pathum khal an rak tel ve.

          Hi thuthang cu RVA thuthang ih kan ngah mi a si.