WYD, 2027 in Bawi Jesuhah hmuhtonnak in pek ding tiah Seoul Archbishop in sim.

WYD, 2027 in Bawi Jesuhah hmuhtonnak in pek ding tiah Seoul Archbishop in sim.

          Seoul ih Archbishop Peter Chung Soon-taek in 2027 ih World Youth Day cohlang in tuahnak ding South Korea ah Aug 6 ah thuthan parih a lungawinak le ruahsannak pawl a rak sim. “A thawtnak” thar le Khrih ah lungrualnak tep dingah caantha pakhat a si, tiah a rak sim.

          Zarhpi ni, Aug 6, World Youth Day ih Mass raithawinak cemnak ah, Pope Francis in, Seoul, South Korea ah 2027 ih leitlunhuap mino pawl puaini tuah a si ding tiah a rak than.Seoul khuapi ih Archbishop Peer Chung Soon-taek in Vatican News’ Francesca Melo thawn thuthang an hlawmawk thei ruangah a lungawinak a rak langter.

          World Youth Day cu “kan zate hrangah caantha pakhat a si; ziangahtile nunphung le tong cu a dang aw ko nan, Pathian ih minung pawl cu pumkhat kan si ih kan bang aw in kan ruat aw,” tiin ka hmu tiah a rak sim.

          Mino pawl ih lungrualnak le unau thinlung neih mi pawl in Korea miphun pawl le cui hmun ih um mipi zate hnenah a hlawm thei ding tiah a zum.

          A cemnetnak ah, ‘World Youth Day cu Korea ih mino pawl le leitlun killi ih mino pawl hrangah caantha pakhat a si’ ih mino pawl cu leilungpi thatnak hrangah tuan rero in bawmnak a pet u tidaan pakhat a si tiah a sim.

          “Korea ih mino pawl cu hmailam caan ah Pawlpi le nunphung ih mino hruaitu pawl, an si ih mino hruaitu tha ih an thanglian thei nak dingah kan telpi a tul,” tiah Archbishop in a rak sim.

          Archbishop Chung Soon-taek in South Korea lawngah si loin World Youth Day hrang langsar ternak ah Asian continent zate a tel tiah a rak sawhkhih.

          “Curuangah, Korean Bishop pawl le Korean Kohhranpi in hi caantha hlawm in ram dang pawl thawn khal thu an rel tlang ding. Cui hlei ah, an mah sawm ka duh. Sawm nan si ih kan lo hmuak,” tiah a rak sim. “Ra uhla ra tep ve uh; hna kan tuan tlang ding. Neta World Youth Day hrangah timtuah tlang cio uhsi!”

          Hi thuthang cu Vatican thuthang ih kan ngah mi a si.