Yangon Catholic Archdiocese hrangah Auxiliary Bishop pakhat ngah nak (November 10, 2020)

Yangon Catholic Archdiocese hrangah Auxiliary Bishop pakhat ngah nak (November 10, 2020)

            November 10, 2020, zaanlam nazi 5:30 ah Yangon Archdiocese ih Msgr. Noel Saw Naw Aye cu Pope Francis in Yangon Archdiocese ih Auxiliary Bishop ah tuanvo a pek thu Vatican thuthangzung (Bangkok) in a rak than a si.

Yangon Catholic Archdiocese ih Auxiliary Bishop ih tuanvo pek mi Fr. Noel Saw Naw Aye ih thuhla tawi-

            Fr. Noel Saw Naw Aye cu 1969, February 14 ni ah Yangon hmun le ram, Taik Gyi Myo Nee, Sawk Waing khua ah a rak suak. A nu le pa pawl cu U Joachim le Romana Daw Ngwe Hlaing pawl an si.

            Msgr. Noel Saw Naw Aye cu hramthok tlawng cu Sawk Waing ah siseh, lai lak tlawng cu Nyaing Tung Myo Nee le Taw La Tii khua ah khal siseh, high school cu အထက (6) Yangon le အထက (4) Pakhu pawl ah siseh a rak zir ih Yangon phunsangtlawng ih Pschology Buaih a rak ngah.

            Puithiam pawl ih thiam a tul mi fimthiamnak pawl a si mi Philosophy cu Pyin Oo Lwin khuapi ih um kawlram thawn pehpar mi St. Joseph Catholic Puithiam cannak tlawng ah siseh, Theology cu Yangon khuapi ih um kawlram thawn pehpar mi St. Joseph Catholic Puithiam cannak phunsangtlawng ih a rak zir lawng si lo in America, New York ram then, Ronkas khuapi ih um St. Joseph Catholic Puithiam cannak tlawng le college ah 2000-2002 ah fimthiamnak a rak zir ih Catholic Theology thawn pehpar mi Master buaih a rak ngah.

            Kum 1995, March 18 ni ah Yangon Archdiocese ih um St. Mary Cathedral ah Puithiam cannak a rak ngah. Cui hnu ah Pathian hna a tuan nak hmun le tuanvo pawl cu a thuai lam vek in a si.

-Yangon Archdiocese ah St. John Biakinn (Maung Htaw Lay) ah siseh, St. Augustine Biakinn ah khal Assistant Puithiam in (1995-1997)

-Kyaing Tung diocese ah Pathian hnatuannak (1997-1999)

-Maw La Myaing diocese ah Pathian hnatuannak(2003)

-Yangon Archdiocese zungah secretary dinhmun in (2003-2007)

-Yangon Archdiocese zungah project Coordinator dinhmun in (2007 in tu ni tiang)

-Fimthiamnak pawlkom (PSIE) ih director in (2007 in tu ni tiang)

-Yangon, Hlaing Tar Yar ih um Naute Jesuh biakinn ih tuanvo nei tu Puitiam in (2008-2009)

-John Pawl II mino le fimthiamnak Center ih Fimthiamnak Commision Chairman in (2009-2013)

-Catholic Bishop pawl pawlkom ih fimthiamnak Commision (CBCM-ECE) ih Coordinator dinhmun in (2013 in tu ni tiang)

- 2020, November 10 ni ah Pope Francis in Fr. Noel Saw Naw Aye cu Yangon Catholic Archdiocese ih Auxiliary Bishop ah tuanvo a pek zo thu a than a si.

Hi thuthang cu CBCM thuthang ih kan don mi a si.