Zalen mi thil sia le tha thleidan thei nak thinlung cu hmun hril lo in upat ding. June 17, 2020

Zalen mi thil sia le tha thleidan thei nak thinlung cu hmun hril lo in

 upat ding. June 17, 2020

          June 17 ni cu, “thilsia le tha theidan thei nak thinlung upat Ni,” a si. Cui ni ah Pope Francis in Portugese ih Aristides de Sousa Mendes ih sim mi thawn pehpar in thil sia le tha thleidan thei nak thinlung ih zalen nak cu khui tawk hmun khal ih kan upat ring ring a tul tiah a rak sim. Hi ni a can dan cu a liam zo mi kum 80 hrawngah Aristides de Sousa Mendes ih nunnak an rak sunlawih.

A mah cu thilsia le tha thleidan thei nak thinlung thlun in tihnak neilo in a rak tuah ruangah Jew miphun le a dang miphun thawng za leng lo hrem nak in a rak run thei a si. Christian hmuanhmuah cu Pathian thuthangtha ih tleu nak peknak thawn tlaitluang mi thil sia le tha thleidan theinak thinlung cu thlun in cawn tlak pawl a si ter tiah a rak forhfial.

Thilsia le tha thleidan thei nak thinlung cu Catholic pakhat ih zum nak parah a hram a toh. Cui thinlung ruangah thudik thawn a kalh mi tlun lam ih thupek thlun lo in bawm a tul mi pawl a rak bawm.

 Leilungpi a voihnih nak ral a thawh ah Aristides de Sousa Mendes in thilsia le tha thleidan thei nak thinlung thlun in tlun lamih thupek a ngai lo ruangah thuthen nak a tuar ding cu a thei.

 A hnatuan mi cu ram mi pawl, miphun, biaknak le ramkhel ih zianghman rel lo in um thei nak a pek. Minung si nakih ngam zetih a tuah nak ruangah a si nak in an thlak. Ziangvek hna khal tuan thei nak caan tha a ngah nawn lo. A fa le pawl khal an thla hlawh nei nawn lo in  hnatuan nakin an kham.

          A taanglai mi a nunnak cu Portuguese a cozah ih hrem nak tuar phah in a hmin thatnak taang dingin a rak nung. Kum 1954, April 3 ni ah Lisbon ih um Franciscan siizung ah a nunnak a rak cem. Mi nunnak tampi a rak run lo seh la hi a tum zet mi thil ka tuah thei lo ding,” tiah a rak sim.

https://bit.ly/2B0YgmB