Ziangruangah Tuikum ah Annunciation ( Vancung mi in Bawinu Maria hnen ih thu a thannak) puai March ni 25 ah tuah a si lo.(March 25, 2024)

Ziangruangah Tuikum ah Annunciation ( Vancung mi in Bawinu Maria hnen ih thu a thannak) puai March ni 25 ah tuah a si lo.(March 25, 2024)

March thla ni 25 ni tinten Catholic Pawlpi in kumtin ten Vancung mi in Bawinu Maria hnenih thu a thannak puai tuah  a si theu konan tui kum ah cun a  mai niah tuah a si lo.

Hi mi langnak ah Pathian fial mi vekin rundam tu ih nu si dingih Maria hnen ih Vancung mi ih thuthannak kha in mang ter a si. Amah in "aw" asilole "fiat" ti ih a cohlannak ruangah Pathian fapa cu fala him Maria pumsungin minung a cannak a si. (Lk 1:26-38)

Hi mi puai (Annunciation) cu pawlpi ih puai tum sungah a tel ve ih a dang mithianghlim pawl puai le hngilhlonak ih tuah mi mithianghlim pawl puai hnak in a nasa deuh a si. Asinan America Catholic bishop pawl conference ah tuikum March 25, ni an tuah lo thu an sim fiang.

Tuikum March ni 25 ni cu Holy week ( Zarh thianghlim) thianghlim tlawngkai ni khat ni thawn a tonawk ruangah hi Annunciation (Bawinu Maria hnen ih Vancung mi ih thu a thannak puaini cu April 8, Tlawngkai nikhat ni ah thawn dingin American diocese state ah an tarlang.

Holy week (thianghlim zarh) (tuikum March 24-30) cu Bawi Jesuh ih zonzaih tuarnak, a thihnak le a thawhsalnak hmin sinnak a siih hleiah Bawi Jesuh a mah rori in a thi le sa a dinnak Puai a si ih a dang puaini pawl hnak in a ropi deuh ruangah a si.

Cui thunah thianghlim zarh theh in thosal puai theh in Easter octave tikcu caan a si. Catholic Pawlpi ih Pathianthu zirhnak (Catechism of Catholic Church) ah Easter Sunday cu puai lak ih puai tumbik a si ih solemnity puaipi pawl lakah Solemnity puai pi bik a si tiah a sim. (catechism cauk no 1169) sungah kan hmu thei a si.

Easter octave cu Easter sunday in a thok ih Divine Mercy Sunday  tiang a si ih March 31 in April 7 tiang a si.

Curuangah 2024 kum hrangih Bawinu Maria hnenih vancung mi ih thu a thannak puai cu April 8, 2024 ah thawn a si. Curuangah Pathian ih minung cannak a laknak Annunciation puai  cu Christmas hrangah tim in tuah sak tu a si. Hi mi thuthang cu CNA thuthang in kan don mi a si.