Zo pawl in Pope an khuh thei bik? August 15, 2020

Zo pawl in Pope an khuh thei bik?

August 15, 2020

            Thuruat thiam mifim Massimo Borghesi cu Pope hnen ah video file pali a dong. Cui video file ah zo pawl in Pope an khuh thei bik timi a sim. Himi video file ih a pek mi thuhla pawl a hleicein ret in mifim cu Agentina rammi a simi a tui Pope kha tahthim in a sim."Ka unau Cadinal pawl cu leilung deng tiang an rak feh". (Himi tong cu Pope Francis in Pope ih an hril hnu hnih suah nak ah a sim.)

Pope ih fimthiamnak lamzin

            Massimo Borghesi in "Pope (Jorge Mario Bergoglio) Francis ih fimthiamnak lamzin thu" tiih hmin a neimi cauk cu a nganih a suah. Ziangvek fimthiam nakin Pope a khuh thei bik timi a hrampi felfai zetin lang ter a si lo. Himi thuhla felfai zet ih thei thei dingah Pope hnen tong aw ih suh lawng ah a cang thei ding. Himi thil cu ngam huai nak pakhat a si. Pope dinhmun ah amah ih din mi pawl simdingah a ol lo. Asinan Pope Francis in a sim. Himi thuhla cu mifim pawl hnen Pope Francis ih thuruah nak lam thawn pehpar mi kum tampi a din nak cu himi cauk (Jorge Mario Bergoglio) Pope tiih hril nak a ngah hlan tiang kawh mi a hmin a si. Himi sung ah hmuh a theih a si.

            Himi cauk sungah "Pope ram mipi pawl hrangah felfai ten a ding tu Pope asi" tiih a ti tu pawl a lehrul sal nak thuhla hmuh a theih. Pope cu a tong khalah siseh, thuthangtha a sim khalah siseh a fel fai mi tongfang lawng a hmang. Cutiin a hmang nan a dunglam ah ruah ding tampi a um. Pope thuhla ngan mi ca ah, "Pope Francis cu ziangruangah Pope Paul (VI) ih Evangelii Nuntiandi ca kha tuletu pehpar in a sim. Ziangrungah Jesuit cangan saya Fr.Gaston Fessard ih ruah nak pawl a zum nak thuhla khal himi cauk sungah a sim. Jesuit pawlkom a din tu St.Ignatius ih thlarau lam um daan pawl cu hmailam Pope a tuan tu ding hrangah a thupi tuk.

Pope ih fimthiam nak thuhla pawl

            Thlarau lamih nunzia cu Pope in Khristian pawl ih nunnak cu to men in hngaknak lamzin a si lo thu cu in thei ter. Himi lamzin pahnih cu a pehpar aw ringring lai. Jesuit Fr.Fessard in theih thiam har zet mi thil pakhat, St.Ignatiusih thlarau lam nunnak cu minung pawl sungih a um mi thluasuah le zalen nak, cem ni nei lo duhdawt nak le cem ni a nei lo mi a fate mi Pathian ih hram thok nak le minung pawl ih hram thok nak timi a ral aw mi pahnih ih zelh nak kha a tuar rero. Pope ih fimthiam nak lamzin cu "Laudatosi' le Evangelii Gaudium" cutivek thuhla pawl theithiam dingah lamzin a hmuh. Pope in a hman mi thupot cat nak tuah thei dingah in bawm. A thupi zet mi himi thupot cat nak ah ram palai thurelkhawm nak thawn peh par mi, ram khel lam thawn pehpar mi thupot cat nak khal a tel. A thu pot cat mi cu veikhatveihnih cu ruah cia ding a har. Tahthim nakah tipi parih nunnak harsa zetih lawng thawn thil rih daan bang aw loin pah suak ih a ra tu harsat tuar tu pawl Rome ah umnak pe dingah Lesbos ti kulh ah amah rori feh in a zoh hnuah felfai zetin thu a pot cat. Neitabikah thlarau lam thawn pehpar mi a felfai mi thupot cat nak a si mi 2016 kumah "zangfah nak a danglam mi Jubilee kum" tuah dingah thu a than. Himi thuthang cu Rome Report thuthang ihsin kan ngah mi a si.

https://bit.ly/3aDdZ94