Zohman daiten um a ngah lo tiin Ukraine Tuukhal hotu in sim. (February 26, 2022)

Zohman daiten um a ngah lo tiin Ukraine Tuukhal hotu in sim.

(February 26, 2022)

            “Ukraine ah thihnai luan nak a cannak a rapthlak mi dinhmun thawn pehpar in daiten um dingah zohman kham thei nak an nei lo. Ni cu khuathim kha harsa zet in lan in nitleu a suak zo. Ni cu Ukraine khuapi tlun ah hlawhtling zet in a suak zo. A harsa mi zan a pah suak nan Pathian in thluasuah a pe zo” tiin Ukraine ih Greek Catholic biaknak hotu Major Archbishop Sviatoslav Shevchuk in zarhte niah a sim. Amah cu Ukraine khuapi a si mi Kyiv ah a um.

            A cah mi thu ah Ukraine ram hrangah thinphang in thla a cam sak tu pawl, Russia pawl ih thalo zetih do nak thawn pehpar in a sim tu pawl hnen a lungawi thu a sim. Ukraine ram cu veikhat lai khal ah ral buai nak an rak tong zo ih, culaiah biaknak lam hotu asimi Patriarch Josyf in “ruak pawl cu tlangvekin an pengih, thi a luang” tiin a simmi cu a tu ah Ukraine ram ih lamzin pi, lamzin te, zin ttek, hmun kip ih a luang mi in Dnipro tiva tluan tiang, Belarus ramthen in Ukraine ram ih khuapi tiang, cumi ihsin tipi thuanthum tiang a cang rero. Ziangruangahtile thudik lo sim nak cu minung nunnak a run. Daiten umnak in minung nunnak a that tiin an sim.

            Tuini keimah dinhmun in ka sim mi a ngai tu Ukraine khuapi ih mipi pawl nanmah pakhat ciar hnen ka dil duh mi cu remdaih nak hrang do uh. Nan bom nak a tul mi pawl kilhim uh. Doral tu pawl dungsip dingah kan ti thei mi zaten kan tuah pei. Nan ram hotu, parliament thunei tu pawl siseh, ramkhel lam, ralkap, biaknak lam hotu zo a si khalle zaten mai ti thei mi pawl tuah uh. Ukraine tha pek a si thu langter uh. Ukraine tha a pek tu zaten khal Ukraine ram mi, khuapi kha nunnak pe in a kilhim tu pawl ih aiah ka lungawi zet. Ukraine cu a nung lai. Ukraine cu a zuam rero lai. Asinan leilungpi hnen ka dil duh mi cu kanmah thawn in din pi uh. Daiten um hlah uh tiin sim in, Pope hnen khalah tha pek ih hnem nak ca an ngah thu a sim.

            Zarhte ni cu doawk nak a thok nak nithum ni a si. Ralkap le mipi nun pawl nunnak  a cem tu mipum an thang rero. Thenkhat cu Poland ramri ah siseh, khuapi sungih mipi pawl cu leitang tlangleng zin pawl ah an relh. Himi thuthang cu CNA thuthang ihsin kan don mi a si

https://bit.ly/3BYt7vb