Zoom Meeting hmang in Vincentian Mino Pawl Ni tuah nak

Zoom Meeting hmang in Ram khat le Ram khat pehpar aw mi Vincentian Mino Pawl Ni tuah nak

 

          Tu caan cu Covid-19 caan a si ruangah tu kum Vincentian mino pawl in Zoom Meeting hmang in 4,7,2020 zinglam ah mai inn cio in an rak tuah. Cui ram khat le ram khat peh par in Vincentian mino pawl upat ni hminsinnak an tuah mi thurelkhawm nak ah kawl ram hmuahhmuah thawn peh par mi Ram kulh Council ho tu Alphonse U Kyaw Min le pawlkom sungtel pawl, Yangon, Mandalay, Pyay, Hakha, Bamaw, Pha-aan, Taungngoo in Vincentian mino 30 luan an rak kai.

          Vincentian mino pawl kum dang vek in caan serh thawn hman a ngah lo nan Internet hmang in thlacam tlang nak, Rosary cam nak, tu kum ih Motto vek in Covid-19 caan ah mai nunnak ui lo in ral a do rero tu harhdam ih hnatuan tu pawl thawn hmun dangdang ih Quarantine Center pawl ih pum pek ih hna a tuan tu pawl zate hrangah thlacam sak nak le tha pek nak tongkam sim sak nak, ram kulh Council hotu in hmuah nak tongkam sim nak, SSVP pawlkom ah mino pawl ih an thupi nak thu pawl sim nak, St. Vincent de Paul pawlkom ram hmuahhmuah thawn pehpar mi Council in ram hmuahhmuah thawn pehpar mi mino Council Sacretary ih pek mi thuthang sair nak, SSVP pawlkom ah mino pawl ih thupi zia thu sim nak, Blessed Antoine Frederic Ozanam ih nun ram thu hlawm awk nak pawl an rak tuah.

          Tu vek ih Vincention mino pawl Ni tuah nak ih tum tah nak cu-

1. Vincention mino pawl  ruahsannak le duhdawtnak pawl hlawm dingin,

2. Christian mino pawl Pathian ih zaangfah lai nat nak thinlung ih a luang mi lung si nak thawn lungawi zet in um dingah,

3. Frederic Ozanam ih dung a thlun tu pawl za te ih neih a tul mi zum fel nak thawn nung thei dingin,

4. Vincentian mino pawl kilkhawitu Frassati vek in Bawi Jesuih Thi le Sa le Missa duh nak thawn nung tlang ding ti mi tumtah nak thawn an rak tuah mi a si.

          July-4 cu ram tinkim thawn pehpar mi Vincention mino pawl Ni a si. Tu kum hrangih Motto cu, "Mino Vincentian pawl, ruah san nak le zaangfah lai nat nak thinlung hlawm awk ding," ti mi thawn an rak tuah mi a si.

          July-4 ah puai cu kilhim tlang in tu kum pulh nat caan sungah phun dangdang in hmai nor tu pawl upat in theih ter ding lawng si lo in Vincentian Mino pawl khal a ra lai ding mi caan thar hrangah ruahsan nak tampi thawn a tum zet mi zaangfah lai nat nak ah leilungpi ah Pathian rawng bawl nak dingah forhfial nak pawl a cang ter ding tiih an zum thu, Vincentian mino pawlkom sung tel pawl ih an tum tah mi pahnih cu kan mang ringring thei nak ding hrangah a tu ih Motto, "Mino Vincentian pawl, ruahsan  nak le zaangfah lainat nak hlawm awk ding," ti mi an rak hril nak a si tiah France ram ih ram tinkim thawn pehpar mi mino hotu William Alves in thuthang a sim mi ah a rak sim a si.

Add new comment

2 + 0 =