Milian (Mineinung) va hawl hlah 

Milian (Mineinung) va hawl hlah 

          Paisa nei, milian (mineinung) mi va hawl hlah rinsan tlak mi minung kha va hril aw.

          Na hrang ih caan a lo pe thei ringring tu kha va hawl hlah. Na tul ngaingai caan ih na kiang um a man cia tu kha va hril aw.

          Mi mawi kha va hawl hlah thinlung tha nei mi kha va hril aw.

          Awkam thiam zet mi kha va hawl hlah a tha lam ih a tong thiam tu kha va hril aw.

          Duhdawt nak tin thuluu a ret ih mi a uk tu kha va hawl hlah, nangmah kha minung dinhmun ih zalen nak lo pe ih nangmah thawn duhdawt nak ti mi kha mawizet ih a lo tuah saktu kha va hril aw.

          Nang mah ai ih mi thiamsawn mi kha va hawl hlah. Nangmah kha thildang hnak ih uaksawn, thiam sawn mi minung si dingih lam a lo hmuh tu kha va hril aw.

          Cathiam mi minung kha va hawl hlah. Zawnruah nak nei mi minung kha va hril aw.

          Nangmah kha siangpahrang pakhat vek ih a lo ret thei tu minung kha va hawl hlah. Nangmah kha siangpahrang dinhmun ah duh zetin a lo ret thei tu ding khal hril aw.

          Hril ding mi tampi a rak um a si khal le nangmah lawng a lo hril ringring tu lawng na nunram ih na feh pi dingah hril aw.

          Mi pakhat kha mai nunram nunnak hrang a tul ruangih hril mi si hlah seh. Mi pakhat in a mah ih nungram ah nangmah kha um lo theih lo ruangah hril nak si sawn seh.

          Hril aw. Na thinlung ih um mi thil pawl kha na phorh ih na sim theih mi, fa le pawl hmai ah a nih cu pa tha pakhat a si ti uang aw zet ih na sim thei mi, nangmah a lo co ruangih uang aw tu kha hril aw.

          Hmailam ah nuam aw zet mi innsungsang te a si thei nak ding ah na fehpi ding mi kha man kiak ih hminsin nak ret a tul lo.

          Na hril mi minung cu zuam duh nak thinlung a neih ding lawng a tul. A thangso cia mi mipakhat si a tul lo.