Pope Francis cu Cardinal thar pawl hnen Pathian ih duhdaan vekin um dingah a forh fial November 28, 2020

Pope Francis cu Cardinal thar pawl hnen Pathian ih duhdaan vekin um dingah a forh fial

November 28, 2020

            Pope Francis cu zarhte sunah a thar ret mi Cardinla pawl hnen "Pathian ih duhdan vekih feh nak in lamzin sual lo dingah" a forhfial. Cardinal pawl ih hruk mi a sen mi ngaki cu "thi" ih hminsin nak asiih a mah in "khua vel mi pawl hrangah leilung thu ih hminthan nak dingih pianzia" a sim.

            Pope Francis cu zarhte sunah leitlun ram 8 ihsin a ra mi Cardinal thar 13 khaisang nak a vei 7nakah, a mah Pope ih khaisang nak caan cu mitampi thawn pehpar mi hminsin nak tiin tuah a si. Amah cu Bawi Jesuh Jerusalem a feh lai ih a tangdor nak, harsat a tuar nak, thih nak le thoh sal nak thu a sim tu "St.Marku" Gospel ih catlang kha a sim. Culaiah "James le Johan" cu Bawi Jesuh thawn huham an co ngah tikah dinhmun tha pakhat pe dingah an dil ih Jesuh in cui unau hnih tei hnen anmah pawl cu Bawi Jesuh vek in midang rian tuan dingah a phur mi harsat nak phur dingah ralrin ten um dingah a sim. Pope in a sim mi cu "Jerusalem feh nak lamzin cu Khrist thawn khual a thlawng tu Jesuh ih Pasca thuthuk asimi nunnak le rundam nak lamzin a si. Thianglamta le thoh salnak cu kan thuan thu ih then khat a si. Cumicu kanmai ni a sinan kan hmailam tumtah nak khal a si.

            "Bawi Jesuh cu a dungthlun tu pawl ih mangbang nak le tihphan nak khal ziangah rel lo in a umlo ih hleiah an hmailam khual tlawn nakih an ton dingmi harsat nak pawl karlak ah amah thawn um thei dingah a tim tuah sak.

Jesuh ih lampi kilkhawi nak

            "James le John" in amah cu "Jesuh ih lam pi siloin a dang lam pi an ti duh san. Kan zaten khal Bawi Jesuh duh in, a dungthlun kan duh. Kan taksa cu amah thawn a um thei nan thinlung cu a hlat nak ah a feh theu. "Siangbawi pawl ih nunram ah ziaza that lo nak phunphun tampi kha ruat in thi zawng asi mi Cardinal pawlih angki hrut mi a sen zawng cu leitlun thinlung lam in "leitlun thu ih lar nak" ih rong ah a cang thei. Cutivek minung cu midang thawn a nel aw mi pawlkom hotu si nawn loin mai duh nak lawng lar nak a si tiah ruah a theih.

            Nangmah pakhat lawng na langsar tin khal na ruat men thei. Cutivekih ruah nak cu Pathian ih lamzin thawn na hlat nak ruangah a si. Pope ih asim mi cu "Bawi Jesuh le a dungthluntu pawl ih lampi cu a kom awk thei lo thu" Bawi Jesuh amah pakhat lawng thinglamtah le thoh sal nakin zin sual mi a rualpi pawl a run thei. Pope le Cardinla pawl asimi kanmah pawl cu himi thuhman hi ruat in mah le mah hmuh awk a theih ding a si. Cumi cu a hriam mi nam a siih, hma a cang ter ih nat nak a cang ter. Asinan cumi cu kanmah pawl in dam ter ih, luat nak le thleng awk nak a cang ter. Thleng awk nak timicu "Pathian ih lamzin ih pial nak ihsin Pathian hnen feh nak a ti duh mi a si. Himi thuthang cu Vatican thuthang ihsin kan ngah mi a si.  

https://bit.ly/3lo0mhv