Nunnak cemtu Cardinal do Nascimento ih caan lak tahrat ih a tuannak pawl parah Pope in a lungawi thu sim. (Sep 30, 2024)

Nunnak cemtu Cardinal do Nascimento ih caan lak tahrat ih a tuannak pawl parah Pope in a lungawi thu sim. (Sep 30, 2024)

Pope Fracis in Sep 28, zarhte ni ah kum 99 a si mi nunnak cemtu Angolan Cardinal Alexandre di Nascimento ih nunnak cemnak ruangah a riahsiat thu tui tlawngkai ni khat ni ah a tarlang.

Kum thawngkhat uknak thar sungah Africa Khrihtian biakinn kha hoha in a bawmtu Cardinal cu 1982, October thla 15 ni ah khual a tlawn laiah hriamkai pawlkom pakhat ih kaih a tuar ih a riantuan laiah harsatnak tampi thawn a rak tong ih November thla ah an rak thlah sal.

Pope John Paul II in October 31 zarhpi ni Angelus thlacamnak ah a mah an thlah theinak dingah zaangfah a rak dil. 1984 kum Vuatikcu caan ah a mah cu Roman Curia spiritual exercises zirh dingah Vatican ah a rak um. A mah cu 1986 ah Luanda ih Bishop dinhmun in tuanvo pek a si ih 2001 tiang cui hmunah hoha in a rak tuan.

Archbishop of Luanda, dom Filomeno do Nascimento Vieira hnen kuat mi ca ah Pope in Andolan Puithiam pawl, thukham pathum la in Pathian hnatuantu pawlkom pawl, diocese sungih zumtu pawl hlei ah Cardinal ih sungkhat pawl thawn a riahsiat thu telegram ah a rak langter.

Hi ti vek in kum upa hminthang, mi hruaitu ih in fehsan ruangah a riahsia tu Angola ram mipi zate pawl thawn naihniam zet in a rak langter.

Khrih a zumnak le kumnunnak ruahsannak cu International Caritas ih lam hmuhnak vekin farah zonzai pawl le rilrawng pawl hrangah a mai thathawhnak in hi Apostolate See thawn tuan tlangnak tel in leilungpi thatnak ding hrangih a mai kekar daan pawl kha lam a hmuh thei mi raltha ih a zalen mi minung a rak caan ter tiah a sim.

Pope Fracis in nunnak cemtu Cardinal ih a hna tha tuan thehnak ruangah Pathian hnenah a lung a awi thu a netnak ah a rak sim. hi rin um mi na sal pa cu zaangfahnak khua tleu thawn run kulh awla a hrangah nunnak sangka on sak awla hi vuinak caanserh ih a tel tu pawl zaten a thinlung ten thlasuah a pe ih  thla a rak camsak. Hi mi thuthang cu Vatican thuthang in a tawizawng in kan ngan mi a si.