Pope in Timor Leste ram mino pawl hnen zalennak ti mi cu midang pawl upatnak hrilnak a si tiah sim. (Sep11, 2024)

Pope in Timor Leste ram mino pawl hnen zalennak ti mi cu midang pawl upatnak hrilnak a si tiah sim. (Sep11, 2024)

Pope in Dili khuapi, Timor Leste ih mino pawl thawn an tonawk lai tlawngkai nithum ni ah ruahnak a rak pek a si.

Tonawknak caanserh cu Congress Centre ah tuah a si ih Holy Father in Timor Leste ih a netabik mipi thawn an tonawknak caan serh a si.

Pope in Timor mipi pawl mithmai parih ka hmuh mi mithmaipannak cu ziangtik hman ah ka hngilh lo ding tiah a sim.

Rampi acazah ih hrambunnak pipu pawl ih an teimak ih an tuarnak pawl mangsal dingah Timor ram mino pawl a sawm ih kum upa pawl hnen caan remcangla in upatnak pe in tuah ding khal ah a rak forhfial.

Pawlkom pakhat ah thilmankung pahnih a um cu mi cu mino pawl le kum upa pawl an si.

Nauhak pawl le kum upa pawl khal Pope in hi tin a sim.  Nauhak tampi umnak pawl kom in nauhak pawl thaten an zoh a tul. Kum upa pawl tampi umnak ah cun an mah kha upat in ngaihsak uh tiah a rak sim.

Pope in Timor Leste ttong fang mangsal in a sim mi cu "aukun rasik-an” a ti duhsan cu mitin in an mah le an mah an uk aw thei ti a si.

Mino pawl cu zalennak ih a dik mi a duhsan le tumtah mi pawl mangsal a tul thu Pope in a rak sim.

"Zalennak timi cu duh mi tuah kha a si lo" Zalennak ti mi cu midang pawl upatnak le kan nu a si mi leilungpi ngaihsaknak a si tiah ngamhnget in a rak sim.

Unau ih manhlat zia le rualremsalnak ih thupit zia khal mangsal in a rak sim.

Hi mihmai pan mi ramah nang cu ralthatnak, zumnak, zumnak ruangih tuarnak pawl hnu ah ziangdang hnak cun zumnak thawn rualremsalnak ti mi mangbangza thuanthu pawl a um tiah Pope in a rak sim.

Pope Francis in Timor Leste mino pawl thawn an tonawknak ah  Jesuh khrih ih sual ngaidamnak le rualremsalnak in pek mi zohthim in thlun dingah a rak forhfial. Hi mi thuthang cu vatican thuthang in a tawizawngih kan ngan mi a si.