Pope Francis in thla hleinga (15) sungah a hmaisa bik a tuukhaal khualtlawnnak cu Iraq ah a si ding. December 7, 2020

Pope Francis in thla hleinga (15) sungah a hmaisa bik a tuukhaal khualtlawnnak cu Iraq ah a si ding.

December 7, 2020

         “Pope Francis in 5-8, March 2021 ah Iraq ram ah Baghdad, Ur hmunrawnpi, Mosul le Qaraqosh ah a tuukhaal khualtlawnnak a nei ding,” tiah Vatican in a rak than. Pope Francis in Iraq ram ih, Middle Eastern nation ah thla hleinga sungih a hmaisa bik khualtlawnnak cu hngilh thei lo mi thuanthu ih tang dingah leitlunhuap khualtlawnnak in a tlawng ding a si.The Holy See Press zungih director, Matteo Bruni in tlawngkai nikhat ni ah Pope in Iraq ram le Catholic Pawlpi ih sawm mi cu a cohlan thu thuthang a rak than.

         Hi mi cu nili sung le Iraq ramthen pali ih a tuukhaal khualtlawnnak a si ding. Pope zungih ngan mi catlang vek a si le “Baghdad, Ur hmunrawnpi, Abraham thuhla thawn pehpar mi Erbil ram, Mosul le Nineveh ih Qaraqosh ah khal a tlawng ding. Pope ih khualtlawnnak cu a ni a nai deuh tikah than bet a si dingih leitlunhuap harhdamnak a thupit nakih tumtah mi vekih cangvaih tu ruah nak khal a tel ding.

         Pope Francis in Iraq ram ah a tlawn duh nak cu a rei tuk zo thu a rak sim. Kum 2019, June 10 ih tuah mi Catholic aids agency thurel khawm nakah 2020 ih a tlawn tum thu a rak sim cia. Remdaihnak thawn hmailam tikcu caan a nor thei ding thu ruahsan in hmaikum ih ka feh duh nak Iraq le Biaknak lam tel in pawlkom ih a tel tu mi tampi thathnem nak a um ding thu hlawm thei dingah le Biaknak lam huham pawl ih remawk lo nak in ramri ih elawknak pawl, huatawknak pawl cang sal lo dingih a ruahsan thu a rak sim.

         Pope ih khualtlawnnak cu Pope St. John Paul a pahnih nak ih a hlan ih a rak tlawn duh thu mangsal in a tlawng ding. Poland miphun a si mi Pope in Iraq ih tlawng dingah kum 1999 cem zik zawngah a rak timlam. Cui khualtlawnnak cu a cang thei dah lo. Ziangah tile Saddam Hussein in an thurelkhawmnak theh hnu ah cui an timlam mi ni a rak thawn nak ruangah a si tiah a rak sim. Cardinal Louis Raphael Sako ih a sim mi vek si le Chaldean, Babylon ih Patriach, Pope Francis in Iraq ih thatho zet ih an hmuah nak a ngah ding.

         Pope Francis in khualtlawnnak hrang timtuah nak cu January 25, Vatican mipi pawl hmai ah Iraq President Barham Salih a ton hnu in tui kum a khualtlawnnak cu a nai vivo.Pope Francis in a sim mi cu cui caan ah thusimtu pahnih in an sim mi cu “Iraq ram ah Christian pawl hlanlai in an um nak thu kilhimnak thu”  le an mah kilhimnak aamahkhaan a tul tu pawl le Iraq ih hmailam hrang hmun le ram thupit ter nak thu a si.

         Iraq ram ih Christian pawl um nak cu a hlan kumzabi pahnih ah a rak mal deuhdeuh. Kum 2003, US ih Saddam Hussein that dingih an kom awk hlan ah cun ram ah Christian 1 in 1.4 million an rak um dah.Tumtah mi dinsal nak cu sumdawnnak harsatnak pawl, buainak pawl le um nak nei lo tu 1.7 million pawl in a rak kham. UNICEF, nauhak pawl bawmtu UN in a hrekkhat 4 million Iraq mi pawl in a hrekkhat nauhak pawl um mi minung pawl ih tuar mi thawn pehpar mi sambaunak pawl a rak hmuh.

         Covid-19 pulhnat le 38 million luan ram ih tihnungza dinhmun pawl a tang lai tiah a sim bet.Cui dinhmun ah Pope Francis in thlatang caan ah Iraq ram a tlawnnak cu caan reipi hi harsatnak a tuar rero tu miphun pawl hnen ruahsannak thar a ken ding thu Cardinal Sako in tlawngkai nikhat ni thuthannak theh ah Vatican thuthang ah a mah rori in a rak sim a si.Hi thuthang cu Vatican thuthang ih kan ngah mi a si.

https://bit.ly/2VRnMS9