Angelus thlacamnak hmun in Pope Francis in “Adventu tikcu caan cu thlengawknak ih khualtlawnnak pakhat a si” tiah sim December 6, 2020

Angelus thlacamnak hmun in Pope Francis in “Adventu tikcu caan cu thlengawknak ih khualtlawnnak pakhat a si” tiah sim

December 6, 2020

          Pope Francis in Adventu tikcu caan a voihnih nak Zarhpi ni ah Angelus thlacamnak hmun in zummtu pawl hnenah “Adventu tikcu caan cu thlengawknak pakhat a si thu, Pathian cohlang dingah timtuah rero lai a si vek in thlengawknak ih khualtlawnnak pakhat cohlang ih tuah dingah a rak sawm. Pope Francis in Adventu tikcu caan a voihnih nak Zarhpi ni ih Cathianghlim a si mi Marku 1:1-18  sungta, zumnak ih khualtlawnnak thawn a bang awk thu” a rak sim.

“Thlengawknak” ti mi cu ziang ti duh san a si?

          Hmaisabik ah ‘thlengawknak’ ti mi tongfang ih ti duh san a rak ruat. Bible Cathianghlim sungah thlengawknak cu kan ruah dan pawl thleng nak ding hrangih hmun le tumtahnak pawl hmaisabik ih thlengnak a si thu, nuntu khuasak le thlarau lam nunram ah that lo nak in that nak ih thleng nak, sual nak in Pathian ih duhdawtnak ih thlengawknak” a ti duh san thu cu Pope Francis in a rak simfiang. Pope Francis in a rak sim mi cu sual ngaidam nak hrangah sualsirnak thu sim nak in Baptism petu John in Judea ram, nelrawn ah Pathian thu a rak zirh.

          Baptism lak nak ti mi cu “John ih thuthangtha  phuan mi ngai in sualsir dingah a botcat tu pawl ih thlengawknak a hmu thei tu hminsinnak pakhat a si. Asinain, sualsir na cing in thlengawknak a um lo ah cun man a nei lo. Thlengawknak ah tuah mi sualnak hrangah nat nak, thilri par ih thinlung um nak pawl ihsin luat in mai nunram in kumkhua nunnuamnak suah ter nak pawl a tel. Sualnak hrial tikah cu mi thawn a pehtlai mi pawl a si mi leitlun thinlung, lungawinak hrang, hlawnthil hrangah thinnom duh nak pawl hrial nak a si.

“Sualnak ih leitlun thilri par ih thinlung um nak hrial nak”

          Pope Francis in a sim bet mi cu hi tahthimnak cu tui ni Cathianghlim ah Baptism petu John ih “a hleifuan mi thilri tanta in sambaunak a hawl tu umtudan ih a ra suah nak a si. Pope Francis in “Sualnak le leitlun ah thinlung um nak in luatnak cu thlengawknak ih a hmaisabik um tu daan a si.           Thlengawknak ih a dang hmuihmel cu Pathian thawn a mai Vancungram hawl nak a si. Leitlun thilri le leitlun thinlung tantanak thawn cem ter lo in cu hnak in a sunglawi sawn mi “Pathian ih Vancungram, Pathian thawn pumkhat si nak, Pathian thawn nelawknak ngah dingah tumtahnak ret a tul.

“Thlengawknak cu thluasuah a si”

          Curuangah Pope Francis in a sim tikah “hnaihnoknak sungih tlak ding a ol zet. Thlengawknak tak tak ti a um thei lo. Leitlun in Pathian hnenih thlengawknak hnak in kan nih cun kansi nak menmen ciarbek ihsin luat kan zuam rero. Hi  thil pawl cu kan nih in ziang kan tuah thei ding? Hmaisabik ah thlengawknak ti mi cu Pathian hnenah raltha zet ih dil nak hrangah thluasuah a si thu mangsal uh.A mawi zet mi thatnak, Pathian ih tangdor nak, that lo nak tanta in a dik mi, a mawi mi, a tunghmun ringring mi thil a si ti mi pawl um nak ih tlan dingah mai nun ram on a tul,” tiin zumtu pawl a rak sawm.

          Pope Francis in a cemnet nak ah “Kan nih in tlawngkai nihnih ni ah Sualhram nei lo ih a seem mi Bawinu ih puai ni sunglawi kan hmang ding. Bawinu in sualnak le leitlun thilri pawl in hlat thei dingah in bawm dingih kan nih khal in Pathian hnenah kirsal in Pathian ih tongkam le Pathian ih duhdawtnak thawn rundamnak ngah dingih in bawm dingah thlacam uh,” tiah forhfial phah in a thusim a rak cawl.

          Hi thuthang cu December 6, 2020 ah Vatican thuthang ih kan ngah mi a si.

https://bit.ly/370MupP