Photo credit to Vatican News https://bit.ly/2VWNzZ7

Mithianghlim Joseph cu Vancungram ih famkim zet ih zumnak ap nak a ngah tu

December 8, 2020

          (8.12.2020) in (8.12.2021) tiang “St. Joseph ih kum” ah Pope Francis in a rak than ih cui kum cu Indogencia thluasuah a cuangce in an ngah nak ding kum khal a si. Kan Pa Mithianghlim Joseph cu “Pawlpi kilkhawitu” ah Pope Pius a pakua nak in 1870 ah mipi theih in a rak nemhnget ih tui kum ah cun cui thuanthu sungtel ih kum 150 kim ni hngilh lo nak ah cu vek ih an rak nemhnget thu theih a si.

          Leitlunhuap pulhnat sia tuar rero caan sungah milai pawl hnen tleunak pek nak, thinsaunak le ruahsannak ngah nak, minung pawl ih rundamnak thuanthu lamtluan ah mi theih lo in a thupten a rak tel tu kan Pa Joseph zohthim in tuah uh si.

Rundamtu Messiah Bawi Jesuh duhdawtnak thinlung famkim thawn Pathian rian rak tuantu

          Pa Pathian upat tihzah nak thinlung famkim thawn Bawinu le Naute Jesuh a rak kilkhawi ih Naute Jesuh cu a Pa Pathian duhzawng vek in rak thanglian ter tu, Bawi Jesuih rundamnak hnatuannak ah a thupibik dinhmun ah um in a thupten rak tuantu kan Pa Mithianghlim Joseph kha zohthim tlang uh si. Kan Pa Mithianghlim Joseph cu milai nunram ih man neih zia rak zirh tu, upat tlak si nak pawl, hnatuannak ih man a neih zia pawl, hnatuannak ih lungawinak pawl, hnatuannak ih man neih zia a muril le a thupit thu rak hmuh tu a si.

          Bawinu le Naute Jesuh cu a phenthlam vekin rak kilhim tu a si. Curuangah kan Pa Mithianghlim Joseph kan zohthim a tul. Sual cawhkuannak thawn pehpar mi Pope Francis ih zungpi (The Apostolic Penitentiary) in hi a danglam zet mi kum sungih a nemhnget mi Indonesia pawl ih an ngah thei thu khal a rak suah cih.

          Hi Indonesia pawl lawng si lo in kohhranpi pawl dinhmun in “St. Joseph ih kum” sungah Thianghllim Innsungsang ih hoha tu bik a si mi Mithianghlim Joseph ih bawmnak rinsan in thlacamnak, thatnak tuah nak pawl thawn tui leilungpi ih ton rero mi nunphung sumdawnnak ih harsatnak a phunphun in hnemnak khal ngah a theih ding a si.

          Hi thuthang cu Vatican thuthang ih kan ngah mi a si.

Photo credit to Vatican News

https://bit.ly/2VWNzZ7