Christmas ih tleunak cu ziang hman in a kham thei lo December 6, 2020

Christmas ih tleunak cu ziang hman in a kham thei lo

December 6, 2020

          Pope Francis in mai thinlung ciar ong in Christmas ih tleunak hmuak dingah le a tul mi pawl bawm cio dingah Christian pawl in sawm.

          Pope Francis in Zarhpi ni ah Angelus thlacam theh hnu ah St. Peter tualrawn ih a um tu kohhranpi pawl cibai buuk in ziangvek pulhnat (a si lo le) harsatnak pawl in Christmas ih tleunak cu an kham thei lo ding thu fiang zet in a rak sim.

          St. Peter tualrawn ah Vatican hrangah Christmas thingkung an phun theh zo ih Bawi Jesuh a suak thlang ding vek in sintuh pawl khal rei lo te ah thluasuah pe in an on thlang ding thu, hi Christmas ih hminsinnak pawl cu nauhak pawl le u pa pawl zaten nuam ter nak dingah umnak inn tampi khal an timtuah zo thu Media pawl hnenin an rak sim bet.

          Hi mi pawl cu a thupibik in hi vek ih harsatnak tikcu caan ah hngahhlapnak ih hminsinnak pawl a si.

          Hi thil pawl lawng ih cem mi si lo in hi pawl ih a duh san pawl khal theifiang dingah zuam cio uh.

Leilungpi cu Pathian in a burh mi that nak, Pathian ih duhdawtnak a si mi Bawi Jesuh in ziang vek pulhnat le harsatnak pawl hman in Christmas ih tleunak an kham thei lo ding cu aamahkhaan nak a rak pek rero.

          Curuangah Bawi Jesuh cu kan thinlung sungih a um thei nak dingah le a tul tu pawl hnen thleng thei dingah on uh si tiah Christian pawl hnenah sawm phah in a rak forhfial.

          “Cui hnu ah Pathian cu kan thinlung sungah siseh, kan mah karlak khal ah siseh voikhat a suak sal thei ding,” tiah sim phah in a thu sim a rak cawl.

          Hi mi thuthang cu Vatican thuthang ih kan ngah mi a si.

https://bit.ly/34d3ZBt

News Source: Vatican News