Lungawinak thu hngilh hlah uh December 13, 2020

Lungawinak thu hngilh hlah uh

December 13, 2020

          Zarhpi ni Angelus tikcu caan ah Pope Francis in John the Baptist ih thuhla a sim lai ah Mithianghlim John cu a mai tikcu caan ah ho tu pakhat a rak si. Mah lawng ruat aw lo in tleunak ruahsan in Messiah a rat caan hngah nak le lungawinak pawl thawn a nun a rak khuasa. Zumtu pawl hrangah Adventu tikcu caan cu duh a nung zet mi mi pakhat ih khuasak daan lungawi sopar ten hngah caan thawn a bang aw. “St. Peter tualrawn ih a tongawkhawm tu zumtu pawl cu Pope Francis in hi lungawi nak lam zoh in a langsar sawn ding,” tiah thuk zet in a rak forhfial.

          Pope Francis in, “hi cangvaihnak cu Pathian le kan mai nelawknak a si thu a rak simfiang. Pathian thawn hlat deuhdeuh a si le riahsia deuhdeuh a si ko,” tiah a rak sim.Cui ni ih Bible Cathianghlim ruat in Pope Francis in Pathian thu sim tu John the Baptist cu tha zet in a rak lawm. Johan cu Bawinu Maria le Mithianghlim Joseph siar lo Bawi Jesuh hmaisabik teette khaan tu a si. John cu a mai san lai ah hotu pakhat a rak si ko nain mai thawm huham hrangah lungputnak, thleemnak ah a rak tel lo. A mah hnu ih a ra ding mi Bawi Jesuh lawng ruat tu a si.

          A mah le mah a thupi ah re aw lo in Bawi Jesuh lawng a thupi ih ret nak cu Christian lungawinak ih hmaisabik dinhmun a si. Bawi Jesuh a laifannak ti tikah “a dang ten nuntu khuasak nak” a si lo.Bawi Jesuh hi leitlun ah a ra ih mi tinkim hnenah a famkim mi nunram ih duhsan a pek tu tleunak a si tiah a rak sim. Pope Francis in John the Baptist cu Bawi Jesuih thu teette khaan dingah khualtlawnnak saupi a rak duh zet. Lungawinak khualtlawnnak cu pangpar hmuan sungih feh nak a si lo.

          Johan in a nauhak lai ihsin ziang hmuahhmuah tanta in Pathian cu hmaisabik ah ret in Pathian ih tongkam cu a thazaang neih mi hmuahhmah, thinlung tak in a rak ngai.Nelrawn ah feh in Thiang Thlarau ih hruainak ah zalen zet ih feh thei dingah a tul lo mi thilri pawl a rak hrial tiah a rak sim.

Khrih aupi dingah kawh a ngah tu pawl hrangah zohthimtlak

          Pope Francis in a sim mi cu John the Baptist ih taksa hrekkhat cu “Mitin in an nei tiin sim a ngah lo” midang pawl thawn a danglam. Asinain, a mai teette cu nunram ih duhsan a hawl duh tu le lungawi nak taktak a hawl duh tu pawl hrangah zohthimtlak pakhat a si.John the Baptist in Bawi Jesuh kha midang pawl hnenih teette khaan dingah kawhnak a ngah tu pawl ih zohthimtlak mi a si.Cu ti ti tikah an mai duh nak siseh, leitlun lam ah siseh, hlat awk in mai hnenah minung pawl hiip nak tuah lo in Pathian hnenah kuat a theih,” tiah Pope Francis in a rak sim.

          Netabik ah Pope Francis in zumtu pawl hnenah “Pathian ih rundamnak tongkam cu dai ten hngak ih tongkam hmuak in ngai phah in a taang ih a cawi tu “Fala Thianghlim Maria” hi thil zaten a famkim ti hmu dingah Angelus thlacamnak cam lai ih tel dingah a rak sawm.Bawinu cu Pathian thawn an nai aw te. Cui thu ruangah Pawlpi in Bawinu cu “Kan lungawi nak a hrampi” tiin a kawh nak a si thu simfiang in a thusim a rak cawl.

          Hi thuthang cu Vatican thuthang ih kan ngah mi a si.

https://bit.ly/3akfxq2