Kawlram ih um duhphorhtu pawl tuahmawh nak tuah nawn lo dingah Pope Francis in zaangfah dil March 3, 2021

Kawlram ih um duhphorhtu pawl tuahmawh nak tuah nawn lo  dingah Pope Francis in zaangfah dil

March 3, 2021

Kawlram ih um duhphorhtu pawl tuahmawh nak tuah nawn lo  dingah Pope Francis in zaangfah dil

March 3, 2021

          Pope Francis in Kawlram ah thuneihnak Aanaa lonnak ruangih duhphorhtu pawl tuahmawh nawn lo dingah, kaih mi ramkhelthu thawn thawngtla tu pawl thlah dingah le Democracy lam ih hruainak lungkim dingin ralkap pawl hnenah zaangfah a rak dil. Pope Francis in remdaiten duhphorhnak ah tuahmawhnak a tuar rero tu Kawlram ih ram mipi pawl tha pek nak tui ni ah a rak sim bet.

          Pope Francis in “thuneitu pawl thawn pehpar mi pawl dinhmun in hremnak pawl tuah lo in reltlangnak um dingah a duh thu a rak sim.Cui hnu ah ramtinkim pawlkom pawl hnenah “Kawlram mipi pawl ih ruahsannak pawl cu tuahmawhnak pawl ruangah donkhamnak tuar lo dingah bawm hram uh” tiin khal a rak forhfial. Kan duhdawt zet mi, ram sungih a um mi mino pawl in huatawknak pawl le dik lo nak pawl hrangah rem awksal nak lamzin a on sak tu ding hmailam caan an ruahsan mi ngah hram hai seh,” tiin khal duhsaknak a rak hlan.

Ramkhel thawngtla pawl luatnak pe dingin

          Kawlram tatmadaw (ralkap) in February 1 ni ah Aanaa a rak long ih ramkhel hotu tampi khal a rak kai. Rampi ih thuron, Noble suh ngah tu Daw Aung San Suh Kyi cu kaih a rak tuar ih pehtlaihawknak lam ih upadi tlun ah rambuai dingih forhfialnak lam upadi thawn a hnawihnih ti mi pawl a tong rero. Kaih mi ramkhel ih thawngtla tu pawl thlah in Democracy din sal nak ding hrangah ralkap acozah cu Pope Francis in zaangfah a rak dil. Netabik nak ah kan dung thla ih a rak sim mi vekin Kawlram ah thawngthlak a tuar rero tu ramkhel lam ih hotu pawl thlah in rei lo te sungah Democracy lamhruainak lamtluan thok thei sal dingah zaangfah a rak dil bet.

Tuahmawhnak thawn siatsuahtu pawl

          Aanna lonnak dodal in remdai ten duhphorh tu pawl thlakhat hrawng a rei caan ah humhimtu ralkap pawl in ramsung ih duhphorhtu pawl siatsuahnak ah mitthli tlak ter tu bomb pawl le hriamhrei pawl an rak hmang thok.Duhphorhtu pawl hremnak ah tuahmawhnak pawl thawn pehpar mi Pope Francis ih a rak dil ni, tlawngkai nithum ni, sun hrawngah Democracy a duh tu pawl duhphorhnak ih a tel tu a mal bik minung pakua hrawng ralkap in an rak that. February 1 ni ihsin thok in tui ni tiang a thi tu zaten minung 30 hrawng an um ding tiin an ruat. Hi thuthang cu Vatican thuthang ih kan ngah mi a si.

Credit to CBCM

https://bit.ly/30aAaih