Pope Francis in Syria ram ih Christian pawl hnenah a thupi zet mi thlacamnak ca uk a ap sal. March 9, 2021

Pope Francis in Syria ram ih Christian pawl hnenah a thupi zet mi thlacamnak ca uk a ap sal.

March 9, 2021

          Thlacamnak pawl rak ngan nak kum a lai hrawngah Christian pawl ih ca uk pawl cu ruahnak luantuk  mi Muslim pawl ruangah a rak siat zik te.Curuangah thuanthu sungih a tel ding mi tuukhaal khual a tlawn lai ah Pope Francis in dinhmun tuah in Syria Pawlpi ih Biaknak lam ih Biakthawinak caanserh ah a thupi zet mi thlacamnak ca uk cu Qaraqosh khuapi ah a rak ap sal.Cui thlacamnak ca uk cu ruahnak luan mi Muslim pawl ih kut sung ihsin an ngah sal ih hi vek in hlanlai ca pawl siat ral lo dingih kilkhawinak ah mifim, mithiam pawl in Vatican ah an rak ret that sak nak a si.Hi ca cu kumzabi 14 ah a si ih Pasca tikcu caan sungih hman theu mi pawl an si. An ngan mi tong cu Aramaic tong in a si.

          Hi thlacamnak ca uk cu a thoknak ah Al-Tahira ih um “Sual hram nei lo ih a seem mi Bawinu” Biakinn ah re in an rak hmang theu. 2014-2016 tiang ruahnak luan mi Muslim pawl in Qaraqosh khuapi an luh lai ah Syria ih thlun mi daan a hmang mi Christian pawl an kai ih an rak that.

          Cui khuapi ah ruahnak luan mi Muslim pawl kuthnuai ih an rak um lai ah Biakinn pawl khal an rak siatsuah. Meisa in an rak ur. Asinain, tu ah cun an rem sal zo.Hi thlacamnak ca uk cu 2017, Juanuary thla ah Iraq thlanglam ih an hmuh hnu ah Mosul khuapi ih Archbishop hnenah an rak kuat. Bishop khal in a him deuh nak ding hrangah tiin acozah a si lo mi Christian nunphung pawlkom pakhat hnenah a rak ap. Cui hnu ah Rome khuapi ih ret that dingah an rak kuat.  A tu veikhat nak Pope Francis an rak ap sal mi hi thlacamnak ca uk cu tha zet ih remsal mi ca uk a si. Hi ca uk ap sal hlan ah hi Biakinn ah Angelus thlacamnak an rak cam tlang.

          Hi ca uk cu a mah kel vekin siat lo te ih rem sal nakah thla-hra hrawng tikcu an lak thu, hi tuanvo cu Rome ih um hlanlai rothil pawl rem sal nak zungin tuanvo la in a rak tuah. Vatican ih mifim, mithiam pawl in ca uk pawl an rem sal nak ah Vatican ih ret that mi kumzabi 14 ih ca uk pawl lawng an rak hmang. A hlan vek in hman sal theih lo mi pakhat lawng a si mi thil cu ca uk thit nak ih hman mi pat-hri pawl an si.

          Hi thuthang cu Aleteia thuthang ih kan ngah mi a si.

https://bit.ly/3qLCtDy