Duhphorh nak tuah tu pawl parah tuahmawh nak pawl cawl dingah Pope in zangfah dil. March 18, 2021

Duhphorh nak tuah tu pawl parah tuahmawh nak pawl cawl dingah Pope in zangfah dil.

March 18, 2021

            Kawlram lamzin parah khuk bil in tuah mawh nak cawl dingah thu an cah duh tin Pope Francis in tlawngkai ni thum niah a sim. Kawlram ah ralkap thuneih nak dodal in duhphorh nak tuah tu pawl parah thisen suak in hmuhsuam nak cawl dingah Pope in zangfah a dil. Ram hrangah ruahsan nak thawn a zuam tu mino pawl a tam sawn tel in mi tampi nunnak liam nak Kawlram dinhmun thawn pehpar in thin nuam lo zet in sim sal dingah a thupi tuk zo tiin ka ruat.

            Vatican innpi cazoh nak inn ih video ihsin than mi kar tin Pathian thusim nak cem nak ah a sim nak a si. "Thureltlang nak tuah uh" tin khal Pope Francis in a sim. February 1 ni ralkap in thuneih nak an lak hnu hriamhrei neiloin remdaih ten duhphorh tu mipi pawl parah Palik le ralkap in tuah mawh nak ruangah nun nak a cem tu an tam vivo can ah Pope in a tuvekin zangfah dil in  sim bet. RFA ih a dangten an tuahmi cazin vekin February 1 ni ihsin March 16 tiang nun nak  a cem tu 180 luan an um zo. Himi thuthang cu RFA thuthang ihsin kan ngah mi a si.

https://bit.ly/38Sr9zn