Sualthlah nak cu mahlemah duhdawt nak ih ap awk nak a si thu Pope Francis in sim. March 12, 2021

Sualthlah nak cu mahlemah duhdawt nak ih ap awk nak a si thu Pope Francis in sim.

March 12, 2021

            Kan dung tlawngkai ni nga ah Pope Francis cu mai sual sir nak thawn pehpar in "sual thlah nak cu mahlemah duhdawt nak ah ap awk nak a si thu, khat lam in sim asile Pathian ih duhdawt nak thawn kan thlarau nat nak pawl a dam ter nak, kan thinlung rem nak a si. Sualthlah nak cu hitivek in ruat in tuah nak cu Pathian ih duhdawt nak thawn rem ding ah asi tiin san a nei. Jesuh Khrist ih nunram le thinglamta par thah asi nak ah duhdawt ank famkim zet in a lang ter" tiin March 12 Vatican sungih Pope Paul VI ih innpi sungah a ra thleng tu Siangbawi, Brother 800 luan hnen a sim. Cui Siangbawi le Brother pawl cu "sualthlah nak saramentu " thawn pehpar mi zir nak pakhat an zir nak a si.

            Pope in pehbet in "a tha mi sualthlah nak ngah theh tinten thleng awk nak mangbangza in ngah a si. Cui mangbangza cu sualthlah tu pawl ih thinlung sungah cui thluasuah ih tuah nak ngah nak a si thu, sualthlah nak saramentu ngah theh hnu thleng awk nak mangbangza thluasuah ngah tu sualthlah tu pawl in Pathian duhdawt nak tleu ngah nak, cui duhdawt nak, cui thluasuah thawn mai nunram kha rem nak ngah nak a si thu, cui thlarau ram hmuhton mi cu a hak mi thinlung ihsin a nem mi thinlung ah thleng ank ngah nak a si thu, himi thleng nak cu a tha mi sualthlah nak tuah theh tinten ngah mi a si.

            Sualthlah nak saramentu cu "remdaih nak" saramentu ti khal in kawh a si thu, hiti in kawh a si nak cu Pathian in sual nak pawl ngaithiam nak a si thu, sual nak cu Pathian thawn a kaih lomi dinhmun a si. Sualthlah nak saramentu a co tu cu Catholic Puithiam pakhat hnen feh in mai sual nak pawl hrelh loin sim thluh a si. Thlah mi sual nak pawl hrangah Puithiam in sual thlah nak thluasuah a pe ding a si. Cutikah sualthlah tu mipi in neitaah sual tuah nawn lo dingah potcat ding a si. Cui hnuah zangfah nak thluasuah le sual cawh kuan nak tuah nak, Puithiam hnen ihsin Pathian cu a ngai thiam nak le remdaih nak thluasuah kha a pek hnu sualsir tu le Pathian an rem aw sal.

            Sualthlah nak saramentu cu a thuk tuk. Thuhla pathum thawn ti a theih. (1) mahlemah duhdawt nak thawn ap awk nak, (2) duhdawt nak ih rem that nak kha zalen ten cohlan nak, (3) duhdawt nak thawn peh aw in nun nak a si. Mah le mah duhdawt nak ah ap awk nak ti tikah a hman mi zum nak thawn saramentu cohlang dingah ti duh mi a si. Ziangruangahtile zum nak cu theih nak lawng si ter lo ding. Asilole zum ding mi pawl theih ter nak menmen a si lo. Zum nak cu hmuh theih rori in lang ter in nunpi ding. Thei thiam in, khat le khat pehpar aw ding. Cui khat le khat pehpar awk nak cu Pathian le minung karlak ah a um ding. Pathian kawh nak cu minung in sawn sal ding. Cutivekin minung ih kawh nak kha Pathian khal in ngaisak nak a si. Bawm kan tul tikah Pathian kan ko theu. Pathian in a san nak in pe theu. A tha mi sual thlah nak tuah dingah a famkim mi thinlung thawn sual thlah nak saramentu a la tu ding cu Pathian ih duhdawt nak zangfah nak kha zum ding ah a tul thu a sim. Himi thu cu CNA thuthang ihsin kan ngah mi a si.

https://bit.ly/38V4ZfG