"Thuthang hman le hman lo ahmaisa ah zoh fel hnu lawngah thuthang than uh" tiin Pope in sim. May 14, 2021

"Thuthang hman le hman lo ahmaisa ah zoh fel hnu lawngah thuthang  than uh" tiin Pope in sim.

May 14, 2021

            Nu Catholic Pawlpi cu "Bawi Jesuh vancung a kai puai" tuah a si. Cuini cu "leitlun minung pehtlaih awk nak ni" khal a si. Cuini thawn pehpar aw in Pope in a tanglam vekin thu a cah. Fimthiamnak a hrampi ah ret in minung pehtlaih awknak daan pawl zamrang zet ih a feh nak thuthang sual, thuthang lem pawl, tuahhrim ih thuthang hnatuan pawl khal an mal lo. Curuangah thuthang a hrampi a um le um lo, hman leh hman lo zoh fel hnu lawngah a hman ih, thu a hnget hnu lawngah midang khal in thei dingah sim ding.

            "Ra uh la ra zoh uh" timi kawhnak cu thu hman thaten hmuh thei mi a fel fai mi tuah daan a si. Hitivekih kawhnak cu thuthang zate ih a felfai mi a hrampi a si ding. Ziangruangahtile ra in a zoh tu pawl in mah rori hmu, tep thei mi dinhmun hman cu simtheisal ding asi thu leitlun minung pehtlaih awk nak ni ca ah bet in a sim. Cui ca cu "2021, Jan 23 ah Sales khuapi ih St.Francis ih puai ni thlen hlan hmuah nak ni ah a than. Sales khuapi ih St.Francis cu thuthang la tu pawl kilkhawi tu Mithianghlim a si. Vatican le a dang ram tampi ah "leitlun minung pehtlaih awk nak ni" cu May 16 ah tuah a si.

            Tui kum minung pehtlaih awk nak ni ih thu luu cu "Ra in ra zoh uh" minung pawl hmai ton ih pehtlaih nak in an sinak taktak thei dingah Bible ca sung ta an la. Himi catlang cu Bawi Jesuh in a hmaisabik dungthluntu pawl hnen a kawhlai ah a si. Cutivekin himi kawhnak vekin Bawi Jesuh a thei hrihlo tu pawl hnen thei dingih sawm dingah a si. Pope cu mi theih mal mi (asilole) leitlun in thei lo ding ih thuh ding ah an zuam mi thuthang pawl a hman le hman lo hai suak in, leitlunpi in a theih tul timi thuthang pawl cu mai nunnak pek tiang hman in thuthang a la tu thuthang hnatuan pawl a sunloih. Ahleicein minung kiangkap ih thenkhat asinan mi ngaiksak lemlo mi malsawn pawl ih thuhla pawl haisuak nak ah siseh, mi harsa pawl ih caantha, an si nak tlak siat tuar nak, kiangkap thu thawn leilungpi ih ziang ih rel lo nak a tuar tu pawl ral tha zet in an lang ter.

            Hitivekin langter dingah a tul mi thuthang hnatuan pawl ih tuanvo lawng a si lo. Minung kiangkap le Democracy lam par ih feh dingah himi a dai zet mi aw pawl haisuak dingah a tul. Himi cu kanmah innsang sungah a mal tuk. Cutivekin thu hman lo, a hram a um lomi thuthang pawl a darh ter tu khal an um. Ziangruangahtle thuthang cu khatlam pawl do dingah, sinak tla dingah tuah nak ah a ol tuk. Khat le khat hlan awk mi thuthang pawl hrangah tuanvo kan la ding. Kan zoh ding. Cuihnu ah than ding. Thuhman lang ter ding.

            Pulhnat virus ruangah thuthang tam pi cu sumpai buainak le thuthang la dingah a har ti an thei nan Pope in thuthang la tu pawl thuthang than nak ah an zuam ih, thuthang hman than dingah a forh fial. Thuthang hman, felfai nak a um lole thuthang zung in leilungpi ah thuhman ziang tin a cang timi mipi hnen ah a lang ter thei lo ding. TV, thuthang ca pawl, radio, Internet le online pawl cu minung pawl a pehtlaih ter thei nan thuhman taktak in a tuar tu pawl thawn tonawk nak, anmah pawl ih thil cang pawl hna thawn theih lo asile kanmah pawl cu puai zoh tu menmen kan si ding.

            Minung pehtlaih awknak ah fimthiam nak pawl thawn lawng pehtlaih nak siloin mah rori tonawk nak cu a tha sawn. Tong thawn lawng pehtlaih awk nak asilo. Kanmah pawl ih zoh nak, aw le tuah tuan nak pawl khal a pehtlaih a si. Tonawk nak hlan awk nak, tong nak cu minung pehtlaih awk nak hrangah a tul taktak. Leitlun ih lar thuanthu ngan tu saya William Shakespeare in "tong cem thei lo tiang ziang hman a tong lo tu" timi tong thawn a pehpar aw. Tui san khal ah minung karlak sumdawnnak, ramkhel pawl khal ah hlawk nak um loin nal zet in fim zet in an tong. Cutivekin Khristian minung pehtlaihnak tuah tu pawl khal an bang aw.

            Lungawi nak thuthang cu "Ra in zoh dingah" kawh asimi mipa, nunau pawl in khat le khat khal siseh, thinlung in thinlung khal ah siseh ton awk nak a si. Cutikah Bawi Jesuh tettikhan tu pawl ih zoh nak, an tong le an tuah tuan nak pawl mangbang za in hmuh a si. Catholic zumtu pawl media cu cawm awk nak ah siseh, mah hrangah siseh hman nak ah Pathian duhdawt ruangah midang pawl Bawi Jesuh hnen kuat dingah, zumnak thang ter dingah himi tuah daan hman ding.

            St.Paul khal a nung lai si bang sehla Email, thuthangtha cah thei tu nunphung online pawl hmang in Gospel thuthang tha a phuang ding. Asinan St.Paul ih nunphung pehtlaih awk nak cu amah lar dingah a si lo. Asinan a zum nak, ruahsan nak ih hminsin nak duhdawt nak lang ter dingah a si. Pope cu "leitlun media la tu pawl thu hman hawl dingah, fim nak pe dingah, thu potcat nak, hminsin nak pawl pial thei dingah" thla a cam sak. "Aw Bawipa, Bawipa leipar ah na um nak run thei ter aw. Mi dang hnen khal mah le mah felfai zet in Bawipa a lo hmu tu pawl sim sal thei nak lawng run pe aw tiin thla cam in a thusim a cawl. Himi thuthang cu Catholic News ihsin kan don mi a si.

https://bit.ly/2RskPcn

https://bit.ly/2RskPcn