Bawi Jesuh in a dungthluntu pawl hnenah laksawng hmuahhmuah hnak in a sunglawi mi laksawng pe dingah thu a rak kam May 23, 2021

Bawi Jesuh in a dungthluntu pawl hnenah laksawng hmuahhmuah hnak in a sunglawi mi laksawng pe dingah thu a rak kam

May 23, 2021

          Ka Pa hnen ihsin Bawmtu Thlarau a ra dingih a mah cu Pathian thutak lang ter tu a si ding. Ka Pa hnen ihsin ka run thlah dingih kei mah ih thuhla simtu a si ding. (Jn 15:26)Hi tongkam pawl cu Bawi Jesuh in a dungthluntu pawl hnenah Thiang Thlarau lawng ti mi netabik laksawng, laksawng hmuahhmuah hnak ih sunglawi sawn mi laksawng pe dingah a dungthluntu pawl thu a rak kam.Bawi Jesuh cu Thlarau Thianghlim langter dingih ‘bawmnak petu’ ti mi a danglam zet mi cafang a rak hmang. Tongleh a har mi hi cafang cu tui ni ah ruat sal uh si. A ti duhsan tampi a um. A tlang pi thu ih sim a si le ‘mi hnem tu le lungkim pi tu’ tiin phunhnih ih then a theih.  ‘Paraclete’ ti mi cu mi hnem tu a si. A hleice in tui a cang rero mi pulhnat ruangah kan zaten kan harsat caan pawl ah hnemnak kan hawl. Tu le tu sim vek in kan nih cu caan rei lo te sungih a vuai ding mi leitlun thilri pawl kan duh sawn theu.

          Tui ni ah Bawi Jesuh in kan mah in hnemtu pawl sungin a tha bik ih in hnem tu “Thiang Thlarau Pathian” in rak pek. A danglam mi cu ziang a si? Leitlun ih nuamnak cu natnak a dem ter tu thawn a bang aw. Natnak a dam ter cih ko nain a sunglam ih natnak hlo ter in a dam ter thei lo. Leitlun hlawnthil in in hnem thei ko nain a thupibik mi a dam ter thei lo. An nih cu mi mithmai hiip in an tuan thei ko nain kan thinlung a baan lo. Kan sinak vek ih kan lungkim thu thei thei dingih in tuah thei tu pawl lawng in kan thinlung a dai ter thei.
          Thiang Thlarau Pathian ih duhdawtnak a si tu lawng in cu mi cu an tuah thei. A mah cu kan thinlung sungah a um ih kan thinlung thlarau sungah hna a tuan rero. A mah cu ziang tik hman ih in tan siang dah lo tu Pathian ih duhdawtnak a si. Mah pakhat lawng a um tu pawl sungih um nak cu hnemnak ih a hrampi a si.Duhdawt zet mi u le nau pawl nan mah in mah te lawng um nak ti mi thimnak tong pang uh la, nan mah sungin donkham tu in nan ruahsannak lamzin lo kham pang sehla, nan thinlung cu hriamhma lawnglawng in khat sehla ti daan hmu lo in um bang ta uh la Thiang Thlarau tum dingah na thinlung saangkaa ong aw. St. Bonaventure ih a rak sim mi cu ‘Thiang Thlarau in tukforhnak a tam deuhdeuh le hnem nak tampin a rak keng ding. Leilung ih pek mi hnem nak vek a si lo. Leilungpi cun kan dinhmun a that caan ah khaisannak thawn in hnem ih harsatnak kan ton caan ah in mawhthluk.

          Leilungpi cun cu vek in a tuah. A thupibik in huatawknak thinlung cu Satan ih hnatuan a si. Hmaisabik nak ah in khaisannak thawn ziang hmuahhmuah tuah thei tu pakhat vek in kan ruahnak in hiip ih neta lam ah in thleng ih sung dingin in tuah. A mah cu kan mah thawn a lek ih thosal tu Pathian ih thlarau in in thawh ter sal duh tikah a mah in in tla sia ter tu ding hmuahhmuah a tuah .Dungthluntu pawl zoh a si le an mah cu Jesuh Khrih a thawh sal ni, cui zinglam ah Bawinu in a tongkhawm lai ah an thluak a buai. Khar mi saangkaa phenthlaam ah um in Bawi Jesuh a phatsan ruangah tihphannak hnuai ah um in mai sambaunak pawl, sunnak pawl le sualnak pawl ih khuhnak hnuai ah a rak um.

          Bawi Jesuh thawn an dam lai ih an rak pahsuak mi kum pawl in a rak thleng aw ter thei lo. A hlan ih a rak khuasak nak nunram siar lo thlengawknak dang a um nawn lo.Cui hnu ah an mah in thlarau thianghlim an co ih ziang hmuahhmuah a rak thleng awk. Buainak pawl le sambaunak pawl a um rero lai ko nain cu pawl thawn taw hawk an tih nawn lo. An thinlung sungah hnemnak an tep ngah zo ih Pathian ih hnemnak thawn an khat duh. A hlan ih an tihphannak khal a ngah mi duhdawtnak teette hmuh dingah a si. Cu ti vek ih a can ding thuhla cu Bawi Jesuh in a rak sim cia zo. Thlarau Thianghlim in kei mah ai ah teette a khaan ding. Nan mah khal teette nan si ding. (Jn 15:26-27) A dang pakhat ruat sal uh si. Kan nih khal Thiang Thlarau Pathian teette khaan ding, bawm tu, hnemnak petu pawl si dingah kawhnak kan ngah ve. Thlarau ih in pek mi hnemnak langter dingah in dil. Hi thil cu ziangtin kan tuah ding?

          Thusuhnak tumpi tuahmi si lo in midang pawl bennak thawn tuah a theih. A hlun mi tongkam pawl si lo in thlacamnak, nelawknak thawn tuah a theih. Cui nelawknak, zaangfah lainatnak thinlung le tangdornak pawl cu Pathian ih tacik a si ti mang sal uh si. Bawm nak pe tu ding ‘Paraclete’ in tui ni cu hnemnak caan tiah in sim rero.Tui tikcu caan cu ruahnak peng pawl do hnak in Pathian thuthangtha lungawi zet ih phuan caan a si. Leitlun thilri ah phunzai ding si lo in Thosal mi Pathian ih lungawinak ken caan a si.  Leitlun thilri duh ding hnak in leipar ih duhdawtnak burh caan a si. Cin le daan pawl thlun ding hnak in zaangfahnak thu tette khaan caan a si. Hi tikcu caan cu bawmnak a petu ‘Paraclete’ih tikcu caan a si. Hi tikcu caan cu bawmnak a petu ‘Paraclete’ ah thinlung pawl zalen caan a si.

          “Paraclete” cu lawyer khal a si. Bawi Jesuh san lai ah lawyer pawl in tui san ih an tuah vek in an rak tuah lo. Sual tuah tu dinhmun ih tong ding hnak in an kiangah dingin mah le mah humhim awk nak ih hman thei mi thu el awk nak pawl ruah nak a rak pek. A mah cu ‘thudik ih thlarau’ a si ruangah lawyer in kan dinhmun si lo in ruahnak pawl le tuar mi pawl thangphok nak in thil tha lo pawl in in humhim.  A nih cun fek zet in tuah lo in fimkhur zet in a tong. A mah in sim hman sehla cawhkuan an pek lo. Mi tha lo pawl, mi bumtu pawl cun cu mi thawn kalh aw in an tuah ih kan mah khal sualnak tuah dingih thangphok tu pawl ih tel ve dingah in ruat ter.

          Kan lawyer a si mi ‘Paraclete’ ih a thupit bik ih ruahnak pek mi pathum cohlang uh si. Tui ni ih a karh rero mi sualsawmnak pathum in dam nak sii an nei.Thiang Thlarau in hmaisabik ih ruahnak a rak pek mi cu ‘Tui dinhmun ah khuasak uh” ti a si. A hlan tikcu ah a si lo. Hmailam tikcu khal a si lo; A tu a ti duh san a si. Cui thlarau cu mah le mah a hlan ih thilcang pawl a si lo le hngilh theih lo mi pawl ruangah a si lo le hmailam caan hrang ih a tunghmun lo mi a si lo le tih nak thawn mah le mah tuah dingih tukforhnak khal dodal in tui a thupi zet mi hngetkhoh zet in a rak nemhnget.

          Thlarau in tui dinhmun ih ngah mi thlasuah in mang ter sal. Cu hlei ah tikcu that caan tiin kan hrangah a um lo. Tui tikcu caan, hi hmun ah, tu dinhmun ah thatnak tuah dingah le kan nunram cu laksawng pakhat dinhmun ih tuah dingah tikcu caan pakhat a si. Tu dinhmun ah khuasak uh si. Thlarau in ‘ziang hmuahhmuah zoh aw’ tiah in sim. Thinlung lawng a zaten a ti duh san a si. Thlarau cun a dang ten pakhat ciar in thangphok lo. Kan mah cu a bang aw lo mi lungrualnak ah a dang aw mi thinlung ruahnak pawl ah Pawlpi sungah in hruai. Hi ‘Paraclete’ cu kan hnenah a zaten a thupit nak hngetkhoh zet in a rak nemhnget. A zaten, pawlkom pakhat ah, thlarau cun a thar ih um nak keng dingah le tuah ding a duh. Dungthluntu pawl zoh uh si. An nih khal an rak thenthek aw. Tahthimnak ah: Rome miphun pawl thawn a tuan tlang tu siahkhongtu Matthew le mi burpi dodaltu Simon tiih kawh mi ramkhel lam ih thatho zet tu khal an rak tel.

          An mah pawl ah a bang aw lo mi ramkhel lam ruah nak pawl le leilungpi ih danglam mi hmuhnak pawl an rak nei. Asinain, an mah in thlarau thianghlim an ngah tikah milai sinak ih an ruahnak si lo in Pathian ih tumtahnak a si mi ‘a zaten’ ti mi thupit ih tuah thei dingin an rak zir.Tui ni ah kan nih khal Thlarau ih tong mi kan ngai a si le vorhlam le kehlam, thil um tu dan pawl le a thar ih thleng aw tu pawl, hlanlai mi thawn hmainor ih a thleng aw tu pawl thawn kan pehtlaih aw lo ding. An mah cu kan mai zohthim tlak ih an can tikah Pawlpi in thlarau a hngilh. ‘Paraclete’ cun a bang aw lo mi lungrual ter dingah in forhfial.

          Thlarau ih a pathumnak ruahnak pek mi cu ‘Pathian cu na hmai ah ret aw. A mah cu kan tlak nak le hlawhtlinnak pawl ih ngah mi si lo in Pathian hnenah tangdor ten phuan awk nak ruangah thlarau lam nunram ah thu in boh cat sak tu kekar a si. Thlarau cun thlasuah a thupitnak hngetkhoh zet in a nemhnget. Mah le mah zianghman ka si lo tiih ruah awk lawng ah Pathian hrangah khaan kan taan thei ding. Pathian hnenah kan mah le kan mah ka ap awk lawngah kan mah le kan mah kan hmu aw thei ding a si.Kan thinlung sungin kan farah lawngah kan thlarau a hna a ngam thei ding. Kan zuam nak thawn mah le mah mawhthluk aw hlah uh si. Zohman a rundam aw thei lo. Kan nih in kan mai tumtah mi pawl, kan si nak, thleng awk nak pawl lawng kan thupit a si le thathnemnak, tuah thei nak lawng thupit thawn a bang aw.

          Bawi Jesuh in thlarau meialh leitlun ah a rak keng ih Pawlpi khal in thluasuah thawn hraikculhnak , thlasuah ih huham, Diocese ih lungawinak thawn Pawlpi a rem sal. Pathian cu hmaisabik ah ret uh si.Thiang Thlarau, kan mah in hnem tu thlarau in kan thinlung in hnem hram seh. Bawipa’i hnemnak ih riantuan tu pawl s ihram uih si. leitlun mi pawl hmai ah Bawipai zaangfah lainatnak ih hnem tu pawl si hram uh si. Kan thlarau ih a thlum zet mi thuron, in bawm tu Pathian, tu san ih Bawipa teette khaan tu pawl sihram uh si. Pawlpi le minung pawl hrangah lungrualnak ih Prophet pawl si hram uh si. Ziang hmuahhmuah hi a thar in tuah thei dingah Bawipai thlasuah thawn a famkim mi dungthluntu pawl si hram uh si. Amen.

Hi thuthang cu Vatican thuthang ih kan ngah mi a si.

https://bit.ly/2Rb5BZ6

Photo courtesy of : NPR/google images