July ni khat ni ah Lebanon ram hrang thlacam dingha Pope Francis forhfial

July 1 niah "Lebanon" ram hrangah thlacam dingah Pope Francis in Forhfial

June 26, 2021

            July thla 1 ni cu "Lebanon" ram hrangah ahleice thlacam nak ni tiin Pope Francis in a forhfial. Ziangruangahtile "Lebanon" cu kum tampi ram khel, sumdawnnak, nunphung buianak pawl ih harsat ank a tuar tu ram a si. A tha lo zet mi dinhmun pawl lakah a hlan kum (2020, August) ah an khuapi Beirut lawng colh nak ih a cang mi tuahmawh nak a nasazet mi thil puak nak cu ram hrangah a besia zet mi siat suah nak a si.

            Cardinal Leonardo Sandri in July 1 ni thuthawn pehpar aw in thuthang sim fiang nak ah hiti ih tuah a si nak cu "hmunkhat ten feh tlang dingah a si thu, lebanon ih Khristian pawl cu mai pawlkom a phunphun ai a awh thu, curuangah hmunkhat ten ruat tlang dingah, zingzoi dingah le thlacam dingah asi thu, mipi pawl ih tah aw pawl khal a thlacam nakah Rome khuapi sung tiang ken ding a si thu, himi program cu thlacam lam a si thu, Pope khal in Pathian thu thangtha a sim ding thu, Pope ih thusim nak khalah thurelkhawm nak ih rel mi "Lebanon" ram ih hmailam hrang a thupi ih dil mi pawl, zangfah dil nak pawl a tel ding cu a fiang thu a rak sim.

            Vatican ih mipi pehtlaih awk nak zung secretary asimi Archbishop Paul Richard Gallagher khalin a tui tuahmi thlacam nak program ah ramkhel lam pawl an tel lo ding thu, ziangruangahtile "Lebanon" ih biak nak lam hotu pawl thawn lawng a dang ten tong aw in thla cam dingah an dil thu, Pope Francis thawn tonawk  tinten "Lebanon" ah feh a duh thu lawng a rel ringring thu, Lebanon ram ih thleng awk nak ah thenkhat an tuah thei ding ruahsan a si thu, a tu ah Pope ih khualtlawn nak cu timtuah dingah tui kum cem tiang cu a har tuk lai ding hmaikum kum thar ah a cang thei thu a sim.

            Tuikum tonawk nak ih thulu cu "Pathian cu Lebanon hrangah remdaih nak a ruat sak. Kan zaten hmunkhat ten tuah cio uh" tiin asim. Cui thurelkhawm nak cu July 1, zing 8:30 ah Pope a umnak Santa Marta ah biaknak lam hotupawl hnen Pope in lungawi ten hmuak phah in thok ding a si. St.Peter Basilica biakinn sungah thlacam nak tawite hmunkhat ten tuah ding a si. Thurelkhawm nak cu then 3 in an tuah ding ih, Pope ih thusim nak in a cem ding.

            Lebanon cu tipithuanthum hmun ih ram pakhat asiih, mipum tan 5 lawng an um ih ni suah nak a laifang ah Khristian a tambik mi ram a si. Ram mi pi thenthum thenkhat cu Khristian an si. May 30 niah Pope ih sunlai thlacam nak "Angelus" thlacam ank theh ah Lebanon ram ih remdiah nak, diahnak hrangah thalcam dinah a forhfial. Pope cu July 1 ni hrangah timtuah in thlacam nak ah a dil zo. Ziangruangahtile Lebanon ram cu a hnget ih a dai mi hmailam caan din thei dingah a si. Himi thuthang cu Vatican thuthang ihsin kan don mi a si.

https://bit.ly/2UHuVqO