Pope Francis cu Khristian Biaknak hruaitu pawl thawn Vatican ah thla an cam tlang July 1, 2021

Pope Francis cu Khristian Biaknak hruaitu pawl thawn Vatican ah thla an cam tlang

July 1, 2021

          Pope Francis in Lebanon in Vatican ah a hleice ih a rak sawm mi Lebanon ih Khristian Biaknak hotu pawl cu zing 8:30 am ah Pope a um nak Santa Marta ah an rak tong awk. Hmaisabik ah ‘Maronite’ ti daan a hmang tu Cardinal Boutros Rai cu cibai a rak buuk. Armenia Khristian hotu Cilicia ih Armenia Khawhhran hotu cibai a rak buuk. Biaknak lam hotu pawl cibai a buuk theh hnu ah St. Peter Basilica Biakinnpi sungah an rak lut.

          Basilica cu minung um lo in a dai zet. Biaknak lam hotu pawl zaten Basilica ih pulpit ah hmun an lak. Cui hnu ah Pope Francis in Khristian pawl lungrualnak dingah tumtah in ‘Vancung ih a um mi kan Pa’ thlacamnak rak hruai in an rak cam. Cui hnu ah St. Petru ih a ruhreol retnak Basilica Biakinn ih thuailam khaan ah an feh ih phayawngtaing vang in raithawinak an rak tuah.

          Hi tiin an mai remdaihnak thawn lamhruaimi thurelkhawmnak an rak thok. Hi thurelkhawmnak cu thenthum ah then in Pope zungah an rak tuah.

          Hi thuthang cu Rome Reports thuthang ih kan ngah mi a si.

https://bit.ly/3jAkU9q