Palastic pawl Tipi thuanthum sung hlon lo dingah Pope ih forhfial

Plastic pawl Tipi thuantum sungah hlon lo dingin Pope in sim

July 11, 2021

            Kan dung July 11 zarhpi ni cu "nuntu khuasak nak hrang hnatuan pawl le tidai ih hnatuan pawl ni" a si thu, himi ni cu kumtin hminsin in tuah asi thu, himi ni ah tidai ih hnatuan pawl, tidai thawn pehpar aw in hnatuan pawl hrangah a hleice ih thla cam nak ni asi thu, anmah pawl ih nunnak pe ih an tuan nak ruangah kanngah mi tidai thawn pehpar mi that nak pawl hrangah an hnen ih lungawi thu sim ding a si thu, cutivekin tuini tipi thuanthum khal siseh, tipi thuanthum pehbet in khal kilkhawi ding thu cu a hleice ih simnak ding ni khal a si thu a sim.

            Pope cu tidai ih hnatuan tu pawl hrang thla a cam sak thu, tipi thuanthum khal kilkhawi dingah khal kan zaten in forhfial thu, tipi thuanthum thianfai ih mawi nak, tipi sungah plastic hlon lo dingah, UN ih cazin vekin kumtin plastic hlon mi tan 8ton kum tin hlon a si thu, himi hlon mi plastic pawl ruangah tipi thuanthum ih a um mi pawl an thih ih hleiah tipi sung ih um mi a ei tu minung pawl hnenah a thleng sal tiin a sim.

            Pope in tipi thuanthum kilkhawi dingah a tul thu thawn pehpar aw in a capi pakhat asimi "Laudato Si" sungah a lang ter. Catlang (40-41) pawlah "tipi thuanthum cu kan leilungpi ih tul mi ti lawng a pe asi lo. Pungsan a bang lo mi siar cawk lo mi nunnak a nei mi pawl siseh, cumi phun pawl lakah kan thei lo mi phun tampi khal an um. Cumi pawl cu pungsan a phunphun in hringhro rero an tuar. Tipi sung ramsa pawl ih a nun dan cu a harsa mi buainak a hringhro rero tu cu ziang hman rel loih kan tuahmi pawl an si.

            Cumi tuah daan pawl cu tidai ramsa pawl ih rawl hrangah a thupi zet mi, kan nei hrangah an rinsan mi tuah daan pawl tampi'n a thleng ter. A sat nak le a hlum nak hmun pawl ih tidai tang ih a car mi leipar ih hramlak vekin a tum zetmi lungto pawl hmuh a theih. Cumi lungto pawl ah tidai ih a nung mi thawng tampi phun pawl um in an ci a zai. Cumi lakah nga, kaikuang pawl khal an tel. Tidai tang ih lungto tampi pawl cu a tlun ih sim mi tidai ih um mi pawl an nung thei lo vekin thenkhat cu an hlo thok rero. Mangbangza tipi cu thinnat za thawn a khat mi tidai tang ih thlan vekin zo in a thleng.

            Pope Francis ih 2018, Vatican ih sumdawn nak hnatuan pawl thurelkhawm nak ah "Vatican hrangah thlacam nak hmun tinkim ih ni" ih a ngan mi ca sungah "kan tipi thuanthum, tifinriat tidai sungah plastic thawn tuahmi hlon mi thilri pawl luang rero cu ka on thei lo" tiin a rak sim. Curangah "leipar ih thl  tinkim cu pathian ih a tumtah vkeinsiseh, ziang tinkim cu kanmah in rinsan vekin thlacam sak dign tiin a sim. Himi thuthang cu Vatican thuthang ihsin kan don mi a si.

https://bit.ly/36AqT6k