Iraq ah siizung a kang ih a thi tu pawl hrangah Pope Francis in thla a cam sak July 13, 2021

Iraq ah siizung a kang ih a thi tu pawl hrangah Pope Francis in thla a cam sak

July 13, 2021

          Iraq ram, Nasiriyah ih um al-Hussein siizung ah covid nat suan a tuar mi mina pawl a dang ten tuamhlawmnak hmun cu meisa a rak keng ruangah an riahsiat thu le meisa a kang lai ih nunnak a liam tu pawl le riahsia ih a um rero tu an innsungsang pawl le rualpi pawl hrangah thla a rak cam sak. Hi thuthang thei tu pawl an riahsiat thu, natnak a tuar tu pawl, siizung ih tuanvo nei tu pawl, Pathian ih thlasuah leh hnem nak, thazaang le remdaihnak ngah dingah thla a cam sak nak thawn Pope Francis in a riahsiat nak thlacamnak tongkam thawn Iraq ram ih Pope ai-awh tu (Apostolic Nuncio) Archbishop Mitja Lesovar hnenah a rak kuat.

          Hi meisa kang nak ruangah mina 12 hrawng an rak thi ih mina 100 luan hriamhma an rak ngah. Hi covid mina pawl hrangah a dang ten tuamhlawmnak inn cu sambaunak ruangah kan dung thlathum hrawng ih an rak sak mi a si tiah an sim.

          Hi thuthang cu Vatican thuthang ih kan don mi a si.

https://bit.ly/3raAtq4