Iraq ah a rak cang mi thuthang sia ruangah Pope Francis a thin a nuam lo tuk July 20,2021

Iraq ah a rak cang mi thuthang sia ruangah Pope Francis a thin a nuam lo tuk

July 20,2021

          Pope Francis cu a rilpi operation a tuah theh hnu ah siizung in a suak ih a dam pek te lawng a si lai. Asinan, a tuan thei mi pawl a tuan thok rero thlang. Cu vek in July thla khat pum cu a mai harhdamnak tuamhlawm phah in a dang a thupi zet mi caanserh pawl zaten a cawl ih August thla ah a thok sal ding. Hi ti vek in a harhdam pek te ah Iraq ram ih khuapi Baghdad ih um Al-Wuhailat dawr a kang ruangah mi tampi an thihnak thuthang sia a thei ih Pope Francis cu a riahsia zet. Hi mi thawn pehpar in Pope ai-awh tu, Vatican ih secretary, Cardinal Peitro Parolin in Iraq ram ih Pope ai-awh tu Secretary Bishop Mitja Leskovar hnenah ca a kuat ih tui thilcang ruangah a thin a nat thu, nunnak a rak liam tu pawl ih an innsungsang pawl hrangah thla an rak cam sak thu, nunnak a liam tu pawl ih thlarau khal ziang hmuahhmuah ti thei tu Pathian ih zaangfah nak co hram hei seh.

          Cu vek in Pope khal in Iraq ram hrangah than au lo in zuam nak thawn hramhram ih fialnak sungin Iraq ram sungah remdai ten unau thinlung thawn rampi din sal thei dingah a zuam tu pawl hlawhtling hram dingah thla a cam sak thu a rak ngan. Hi puahnak cu kan dung tlawngkai nihnih ni ah thil lei tu pawl thawn ropi zet in a rak um. Ziangah tile Eid al-Adha puai khal rei lo te ih tuah ding mi a si ih a tul sam mi thilri pawl an rak lei ciamco.Cui puahnak ruangah minung 30 hrawng an rak thi ih mi tampi hriamhma an rak ngah. Hi puahnak cu kan dung thlaruk sungah a besia zet mi puah kuai nak a si ih mithi an tam tuk ruangah tuahmawhnak a si.

          Pope Francis in covid pulhnat ruangah khualtlawn an kham nak a dem deuh in hmaisabik ramhuap tuukhaal khualtawnnak in Iraq ah a rak tlawng. Cu mi khual a tlawn hlan te ah Pope in video file thawn a rak sim mi ah ‘kei cu Iraq ah khawmzawhtu pakhat vek in siseh, kum tampi ralbuainak, ruahnak luan mi hnatuan sualnak hrangah sualsir in sual cawhkuan a duh t usual nei mi pakhat vek in a thleng ih sual ngai dam nak, rem awk sal nak, hnemnak thluasuah, hrimhma pawl dam ter nak thluasuah pawl cu Pathian hnenah ka dil ding.

          Iraq ram, Mosul khuapi ah Pope in tuahmawhnak ruangah nunnak a rak liam tu pawl ih thlarau hrangah thla a rak cam sak. Zumnak bang aw lo, dun le daan bang aw lo mi a bang aw lo mi a mawi zet mi a yawng pawl thawn a khat mi ram cu sual nei lo mi ram mipi pawl ih thisen rak luannak pawl ruangah a thim ih a mawh nak a ziam ral thu, cui hmun ih tuah mi thlacamnak thawn a khawng sal.

          “Dungthluntu pawl ih unau pawl hnenah Bawipa ih pek mi thlasuah famkim mi leitlun milai ih nunram cu tuahmawhnak pawl ruangah a tawi ih an mai thlarau pawl cu Bawipa hnenah ka ap. Mai unau pawl ih nunnak zawnruat lo, zoh lo, zuah lo in hi vek in thi ter thei mi tuahmawhnak pawl a tuah tu pawl hrangah khal thla a rak cam sak. An mai thil sual tuah mi pawl sir aw in Bawipa ih zaangfahnak huham thawn dai hram hai seh.Maw Bawipa, a thi zo tu pawl ih thlarau kumkhua nunnuamnak rak pe hram aw. Kumkhua tleunak khal an par ah vang ter hram aw. Hnangam ten cawl hraml hai seh…..Amen.

          Hi thuthang cu Vatican thuthang ih kan ngah mi a si.

Photo courtesy of AFP or licensors

https://bit.ly/372V0U8